Elif Şəfəqə əri xəyanət edirmiş?

Sənət

Ana səhifə
Sənət

Elif Şəfəqə əri xəyanət edirmiş?

2 iyul 2011

06:00

“Radikal” qəzetinin baş redaktoru Eyyub Canla yazıçı Elif Şəfəqin boşanması ilə bağlı dünən türk mətbuatında xəbərlər yayılıb.

“Sabah”, “Milliyet” qəzetlərində çalışmış Oray Eğin ABŞ-dan yazdığı məktubunda cütlüyün boşanmaq üzrə olduğunu yazıb.

İddialara görə, cütlüyün arasındakı soyuqluq Elif Şəfəqin Amerikaya getməsinə səbəb olub. Yazıçı hətta iyunun 12-i keçirilmiş parlament seçkiləri günü də Türkiyəyə gəlməyib.

“Eşq”n kitabını yazan Elif Şəfəqlə Eyyub Canın arasına isə “Radikal” qəzetindən olan bir yazarın girdiyi deyilir.

Bir müddətdir ki, Elif Şəfəqin altıillik həyat yoldaşı tərəfindən aldadılması onu boşanma qərarı almağa vadar edib. Lakin Eyyub Can sürətlə yayılan bu xəbər haqda: “Bu xəbər başdan ayağa yalan və böhtandır. Boşanmıram!” - deyə açıqlama verib.

Cütlük 2005-ci ildə Berlində ailə həyatı qurub. 2006-cı ildə Şəhrazad Zelda və 2008-ci ildə Əmir Zahir adlı övladları dünyaya gəlib.

Maraqlısı budur ki, Twitter sosial şəbəkəsində çox aktiv olan Elif Şəfəq əri də daxil olmaqla, heç kimi “izləmir”. Ümumilikdə, onun 370 qeydi və 179 min izləyicisi var.

Yazıçıdan iki yaş balaca olan Eyyub Can isə üç istifadəçi – “Radikal” qəzetinin rəsmi səhifəsini, “Radikal”ın əməkdaşı Bülent Mumayı və həyat yoldaşı Şəfəqi izləyir. Canın cəmi 15 min izləyicisi var.

38 yaşlı baş redaktor Harvard Universitetindən 1993-cü ildə məzun olub. 1995-ci ildə Fətullah Gülənlə on bir günlük reportajı ilə medya dünyasında məşhurlaşıb.

“Eşq” kitabı ilə satış rekordları qıran Elif Şəfəq isə səkkiz roman müəllifidir. Yazıçının ən sonuncu əsəri köşə yazılarından ibarət olan “Firarpərəst”dir.

Günel Əsgərzadə