Nə atan, nə anan, nə sevdiyin qadın... - Malik Atilayın yeni şeirləri

Malik Atilay

Malik Atilay

28 mart 2025
# 14:20

Kulis.az Malik Atilayın yeni şeirlərini təqdim edir.

Divar saatı


Bağrı yarılanadək hürdü gecəboyu itlər
Bir kimsə çıxmadı çölə itləri kiritməyə
Kor kişinin evindəki
Divar saatı gördü hər şeyi
Pəncərə qabağında ərinin yolunu gözləyən qadının
Bir cüt baxışı qaldı əri gələn yolda
Bir cüt qanlı əl izi düşdü şüşəyə...

Üç-dörd fotoşəkil

Quşların qəfəsə girdiyi kimi
Ürəyinə qanad çalıb kədər girəndən sonra
Bir axşamüstü,
Damağında siqaret başa düşürsən
Bir axşamüstü,
Sonuncu ümidlərin də dəmir alır ürəyindən
Nə atan, nə anan,
Nə sevdiyin qadın,
Nə qardaşın, nə bacın
Kimsə tapılmır o saatda,
Axtarmır da kimsə səni
Səninlə oynayan uşaq böyüyəndən sonra
Evin küncündə unudulmuş oyuncaq ayı kimi
Üç-dörd xoş xatirə olursan,
Üç-dörd fotoşəkil.

# 676 dəfə oxunub

Oxşar xəbərlər

Səni sevməkdən də vacib işlərim var... – Qulu Ağsəs

Səni sevməkdən də vacib işlərim var... – Qulu Ağsəs

14:00 20 aprel 2025
Həmid Herisçi:  "5 dəqiqə vaxt verilmişdi hamımıza"

Həmid Herisçi: "5 dəqiqə vaxt verilmişdi hamımıza"

16:40 18 aprel 2025
Bir qara gözəlin mavi göz yaşı – Xəyal Rzanın şeirləri

Bir qara gözəlin mavi göz yaşı – Xəyal Rzanın şeirləri

18:00 17 aprel 2025
Səhv düşəndə yerimiz - Qabil

Səhv düşəndə yerimiz - Qabil

15:02 16 aprel 2025
Sərxoş gəlmişəm qapına - Şaiq Vəli

Sərxoş gəlmişəm qapına - Şaiq Vəli

14:12 16 aprel 2025
Güllələr demədi geri qayıdın – İsa İsmayılzadə

Güllələr demədi geri qayıdın – İsa İsmayılzadə

09:12 16 aprel 2025
#
#
# # #