Əfsanəvi alman rok qrupu "Scorpions"un yaradıcılıq yolunu və mədəni təsirini ekrana gətirən "Wind of Change" filminin nümayiş tarixi bəlli olub.
Kulis.az xəbər verir ki, "Fox Entertainment Global" və "ESX Entertainment"in birgə istehsalı olan ekran işi 2027-ci ilin yanvarında Almaniyada, mart ayında isə Şimali Amerikada preymera edəcək.
Film qrupun 1965-ci ildəki ilk addımlarından başlayaraq Şərq və Qərb arasındakı siyasi bölünməni musiqi ilə aşmaq cəhdlərinə fokuslanır.
Ekran əsərinin emosional mərkəzində soyuq müharibənin başa çatmasını, ümid və sülhü simvolizə edən, dünya üzrə 14 milyon kopya satan eyniadlı kult hit dayanır.
Rejissor kreslosunda Aleks Ranarivelonun əyləşdiyi layihədə "Rock You Like a Hurricane" və "Still Loving You" kimi digər məşhur mahnılar da yer alır.
Filmdə qrupun yaradıcısı Rudolf Şenkeri Aleksander Dreymon, unudulmaz vokalist Klaus Mayneni isə Lyudviq Trepte canlandırır.
Aktyor heyətində həmçinin Ed Spelirs, Lyuk Brendon Fild və qrupun meneceri Dok MakGi rolunda Dominik Vest yer alıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər