Əfsanəvi canavarın yeni macərası dünya kino bazarının diqqətini üzərinə çəkib.
Kulis.az xəbər verir ki, “Godzilla Minus Zero” Yaponiyada canlı çəkilişlə hazırlanmış filmlər arasında ən yüksək ilk gün kassa gəliri əldə edən ekran əsəri olub.
Toho və GKIDS şirkətlərinin açıqlamasına əsasən, film nümayişə çıxdığı ilk gün 910 milyon yen, təxminən 5,75 milyon dollar gəlir gətirib. Seanslara 590 mindən çox tamaşaçı qatılıb. Bu nəticə 2023-cü ildə böyük uğur qazanan “Godzilla Minus One” filminin ilk gün göstəricisindən 201 faiz yüksəkdir.
Yeni ekran əsərinin rejissoru, ssenari müəllifi və vizual effektlər üzrə rəhbəri Takasi Yamazakidir. Filmdə müharibədən sonra yenidən qurulmağa çalışan Yaponiyanın üzləşdiyi yeni təhlükədən bəhs edilir.
Əvvəlki filmin Oskar qazanması “Godzilla” franşizasına beynəlxalq marağı əhəmiyyətli dərəcədə artırmışdı. Yeni ekran əsərinin noyabrın 6-da Şimali Amerikada geniş nümayişə çıxması isə rekordun daha da böyüyə biləcəyi ehtimalını artırır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər