Kino tarixinin ən məşhur rekvizitlərindən bəziləri milyonlarla funt sterlinqə satıla bilər.
Kulis.az xəbər verir ki, Londonda keçiriləcək “Propstore Winter Entertainment Memorabilia Live Auction” hərracında 1400-dən artıq kino və televiziya əşyası satışa çıxarılacaq.
Hərracın ümumi dəyərinin 10 milyon funt sterlinqə çatacağı gözlənilir. Ən diqqətçəkən əşyalar arasında Kristofer Nolanın “The Dark Knight” və “The Dark Knight Rises” filmlərində istifadə olunan Betpod motosikleti var. Onun 450–900 min funt sterlinq arasında satılacağı proqnozlaşdırılır.
İndiana Cons obrazının papağı və köynəyi də kolleksiyaçıların diqqətini çəkəcək. Bundan başqa, “Game of Thrones” serialında Con Snounun istifadə etdiyi Uzunpəncə adlı qılınc, Daenerys Targaryenin əjdaha yumurtası və Batman kostyumu da hərraca çıxarılacaq.
Hərrac dekabrın 4–6-da keçiriləcək. Noyabrın 19–22-də isə kolleksiya əşyalarının bir hissəsi ictimaiyyətə nümayiş etdiriləcək. Beləliklə, kino həvəskarları məşhur ekran əsərlərinin tarixində iz qoymuş əşyaları yaxından görmək imkanı əldə edəcəklər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər