"Məni axtar boş otaqda" - Günün şeiri

"Məni axtar boş otaqda" - Günün şeiri
18 avqust 2023
# 17:00

Bu gün tanınmış şair İlqar Fəhminin doğum günüdür.

Kulis.az bu münasibətlə onun "Məni axtar" şeirini təqdim edir.

Məni axtar darıxanda

Səni qəm-qüssə sıxanda,

Yorulub sərsəm həyatdan

Gözünün yaşı axanda...

Məni axtarma hər axşam,

Yığışıb şənlik edəndə,

Yenə də barda, kafedə

Ötəri gün keçirəndə...

Məni axtar darıxanda.

Dadı şit qəhqəhələrdən

Bezikib təngə gələndə,

Taparaq nəysə bəhanə

Yenə küncə çəkiləndə.

Məni axtar.

Məni axtar darıxanda.

Bir həzin mahnı səsindən

Qədəhin əldə donanda,

Sürüşüb donmuş əlindən

Düşərək, yerdə sınanda.

Məni axtar.

Məni axtar darıxanda.

Çıxıb hay-küylü salondan

Dayanıb fikrə gedəndə,

Kafenin boş foyesində

Siqaret tüstülədəndə

Məni axtar.

Məni axtar darıxanda

Məni axtar gecəyarı

Yolunu taksi kəsəndə,

Dayanıb yol kənarında

Büzüşüb tir-tir əsəndə.

Məni axtar,

Məni axtar darıxanda.

Küçədə, yolda yağışlar

Sevişəndə, gülüşəndə,

Maşının pəncərəsindən

Üzünə damcı düşəndə,

Məni axtar.

Məni axtar darıxanda.


Məni axtar boş otaqda

Yoluna gölgə çıxanda,

Soyumuş güzgüdə bir qız,

Sənə hiddətlə baxanda.

Məni axtar.

Məni axtar darıxanda.

Məni axtar darıxanda

Səni qəm-qüssə sıxanda.

Yorulub sərsəm həyatdan

Gözünün yaşı axanda.

Məni axtar

Məni axtar darıxanda.

Çıxmaram bircə sözündən

Səni allam yer üzündən,

Çəkərəm mavi səmaya

Öpərəm nəmli gözündən...

# 1787 dəfə oxunub

Oxşar xəbərlər

Mağara axtarıram “yuvam” deyə biləcəyim - Şuntaro Tanikavanın şeirləri

Mağara axtarıram “yuvam” deyə biləcəyim - Şuntaro Tanikavanın şeirləri

15:00 20 noyabr 2024
Gecələr yuxuma girərdi Allah - Günün şeiri

Gecələr yuxuma girərdi Allah - Günün şeiri

14:00 20 noyabr 2024
Sərxoş gəlmişəm qapına - Şaiq Vəli

Sərxoş gəlmişəm qapına - Şaiq Vəli

18:40 16 noyabr 2024
Yaşamaq necə qorxuludur... - Günün şeiri

Yaşamaq necə qorxuludur... - Günün şeiri

12:40 16 noyabr 2024
Tanrıyla yan-yana gedirdi o qadın - Günün şeiri

Tanrıyla yan-yana gedirdi o qadın - Günün şeiri

18:43 15 noyabr 2024
Ölü əsgər haqqında ballada - Bertold Brext

Ölü əsgər haqqında ballada - Bertold Brext

18:40 13 noyabr 2024
#
#
# # #