Hindistanın ən əyləncəli və ənənəvi Holi Festivalı başlayır.

Kulis.az-ın məlumatına görə, festival hər il böyük həvəslə qeyd olunur.

Baharın gəlişi münasibətilə qeyd olunan bu bayram həm də xeyirin şər üzərində qələbəsinin simvoludur.

Holi "Hindu bahar bayramı" da adlanır. Festival, əsasən, Hindistanda qeyd olunsa da, Hindistan diasporası vasitəsilə Asiyaya və Qərbə də yayılıb.

Holi festivalı nə vaxt qeyd olunur?

Holi Hindu təqviminə görə "Phalquna" ayının tamamında qeyd olunur. Bu tarix, adətən, fevral-mart aylarına təsadüf edir. Ancaq "Qərb" təqviminə görə hər il festivalın tarixi dəyişir. Holi bayramı ilin müxtəlif vaxtlarında qeyd olunur, lakin bütün hallarda yazın gəlişini və təbiətin oyanmasını təsvir edir.

Holi festivalı ayinləri

Holi festivalı insanların "Holika Dahan" adlanan dini ayinləri yerinə yetirmək üçün Holidən əvvəlki gecə tonqal ətrafında toplaşması ilə başlayır.
Növbəti səhər rənglər festivalı olan "Rangvali Holi" qeyd olunur. Bu şənliklərdə insanlar bir-birini isladıb, rəngli tozlar atırlar. Şənliklər zamanı su tapançaları və su ilə doldurulmuş şarlar da istifadə edilir. Rəng müharibələri küçələrdə, parklarda, məbəd və binaların kənarında baş verir. Qruplar nağara və digər musiqi alətləri ilə səyahət edir, oxuyur və rəqs edirlər. Ailələri ziyarət etmək və xüsusi Holi yeməkləri yemək də məşhur ənənələrdən biridir.

Qeyd edək ki, 2025-ci ildə Holi festivalı martın 14-nə təsadüf edir.

• Azərbaycan təsviri incəsənətinin özünəməxsus üsluba malik neorealist rəssamı
• Bakıda VIII ANİMAFİLM Beynəlxalq Animasiya Festivalı keçiriləcək
• Rəsul Rzanın əsərindəki qəhrəmanın adını daşıyan görkəmli aktrisa - O, kimin arzusu ilə səhnəyə çıxmışdı?