Tanınmış muğam ustası Alim Qasımovun qızı Fərqanə Qasımovanı İranda oxumağa qoymayıblar. Bu barədə sosial şəbəkələrdə məlumat yayılıb.
Kulis.Aza açıqlama verən Alim Qasımov isə xəbərin yalan olduğunu bildirib: “Yəqin bunu yayanlar bizi “çox” istəyənlərdir, sevindiklərindən belə edirlər. Fərqanə orda iki konsert verib. Lent yazıları da var. Çox uğurlu konsert oldu”.
Xatırladaq ki, muğam ustası 11-12 yanvar tarixlərində Tehranın “Vəhdət” sarayında konsert proqramı ilə çıxış etmişdi.
