Kulis.az Amil Amalın yeni minimalist şeirlərini təqdim edir.
bir
gözlərimi açıb doğulduğum anı
bir də
gözlərimi yumub öləcəyim anı
xatırlamayacam.
təəssüf.
***
Həmişəki kimi yenə də
Bakıda tıxacdayam.
Hitler salamı kimi düzülüb
işıq dirəkləri.
Hi Hitler!
***
Dağın zirvəsinə gedən
yollara bax!
bir dənə də olsun
düz yol görmədim.
Hamısı əyri-əyri,
dolama-dolama.
***
Vəziyyətə uyğun hərəkət yox,
hərəkətə uyğun vəziyyət.
***
sevəndə musiqisini
ayrılanda sözlərini
dinləyərsən
eyni mahnının.
