Bu gün çuvaş şair, tərcüməçi Gennadi Ayqinin doğum və anım günüdür.
Kulis.az onun şeirlərini Aydan Ağayevanın sətri tərcüməsində təqdim edir.
Və toxunmadan...
Qorxmaq gərək
Həm körpə barmaqlarından,
Həm də həssas göyrüşün yarpaqlarından
Çünki:
Bu dünyada qorxulu heç nə və heç kəs yoxdur: Tanrıdan savayı!
O, xeyirdən də qüdrətlidir!
Sus, yadda saxla,
və bir də
özün bilirsən — səndən savayı...
22 aprel 1983
***
İyun qeydi
Müqəddəs Tixon gününə
Və günəş həqiqətən də artıq daha aram gedir
və quşlar susur...
Təkcə bülbül öz bildiyini oxumaqda davam edir,
Amma artıq araya girir
fasilələr,
arabir qəfil nidalarlarla
elə bil «mən?.. yoxsa mən deyiləm?» —
elə bil yenə də güc taparaq
özünü unutqanlığa təslim etməməyə çalışır...
29 iyun 1997
