“Təbrizin 40 sehrli nağılı” kitabı çap olunub.
Kulis.az xəbər verir ki, kitaba ön və son sözləri Sirus Mədədi və Pərvanə Məmmədli yazıb. Kitabda məşhur qədim Azərbaycan miniatürləri ilə yanaşı, çağdaş rəssamlar Pəri Miniatür və Natiq Camal Əfşarın əsərlərindən istifadə edilib.
Sirus Mədədinin nəşrə hazırladığı kitabı ərəb əlifbasından Pərvanə Məmmədli çevirib.
Qeyd edək ki, kitabda Səməd Behrəngi və Bəhruz Dehqaninin Təbriz və ona yaxın Mamağan, Tufarqan ərazilərindən topladıqları nağıllar yer alıb. Həmçinin oralarda olan yerli şivə və dialekt xüsusiyyətləri saxlanılıb.
