Keçmiş SSRİ ölkələrinin mədəniyyət tarixində iz buraxan məşhur mahnı müsabiqəsi "İntervision" uzun illər fasilədən sonra yenidən təşkil edilir.
Kulis.az xəbər verir ki, bu il Moskva sovet dövründən qalmış və uzun illər unudulmuş musiqi müsabiqəsi "İntervision"u yenidən səhnəyə çıxarır.
1960-cı illərdə Leonid Brejnev dönəmində "Eurovision"a “Şərq Bloku alternativi” olaraq yaradılan "İntervision" musiqi müsabiqəsi, 1980-ci illərin sonunda sona çatmışdı.
Qeyd edək ki, Kreml 2022-ci ildən davam edən Ukrayna müharibəsi səbəbi ilə Rusiyanın iştirakının "Eurovision"da qadağan edilməsindən sonra, uzun illər unudulmuş "İntervision" musiqi müsabiqəsini yenidən canlandırmağa qərar verib.
