15 Noyabrda Mədəniyyət TV-nin efirində aparıcı Bəhruz Niftəliyevin təqdimatında “O” verilişi təqdim olunub.
Kulis.az xəbər verir ki, verilişin qonağı 37 yaşında gözləri tutulan Azərbaycanın ilk görmə məhdudiyyətli aktrisası Günay Məmmədova olub.
Efir zamanı aktrisa ilk dəfə gözləri tutulan andan bu günə qədər yaşadıqlarını, apardığı həyat mübarizəsini dilə gətirib. O, inklüziv cəmiyyətdə yaşamağın onun kimi digər məhdudiyyətli insanların da haqqı olduğunu vurğulayıb.
