“YARAT” Müasir İncəsənət Mərkəzində “Rus filmləri həftəsi” çərçivəsində filmlərin nümayişi başlayıb.
Kulis.azın verdioyi xəbərə görə, iştirakçılar əvvəlcə rejissor Sergey Livnevin ekranlaşdırdığı “Van Qoqlar” filmini izləyiblər.
Ata-oğul arasında sevginin nifrətə çevrilməsindən bəhs edən ekran əsərində obrazlar çətin barışıq yolu keçməli olurlar.
Sentyabrın 27-də tamaşaçılar “Annanın müharibəsi”, 28-də isə “Aleksandr Xristoforovun əbədi həyatı” adlı ekran əsərlərinə baxa biləcəklər.
Filmlərin təqdimatı “Rossotrudniçestvo” təşkilatının Azərbaycandakı nümayəndəliyi və Nizami Kino Mərkəzinin birgə əməkdaşlığı çərçivəsində həyata keçirilir.
