Kulis.az Nurlan Məmmədlinin “Ən qısa hekayə” müsabiqəsinə göndərdiyi “Əbu Qreyb” (500 işarə) hekayəsini təqdim edir.
“Əbu Qreyb” həbsxanası. 2003-cü il. Müharibənin barıtı onun ailə həsrətini alovlandırmışdı. Əfv ediləcəkləri barədə məhbusların sevinclə söylədiklərini artıq nəzarətçilər də təsdiq etmişdi. “Müharibə həmişə bədbəxtlik gətirməzmiş, sanki bu, mənə görə başlanıb”, - deyə mızıldandı.
Bombalı sabah. Şəhərə atılan mərmilərdən biri məhbəsin uçulmuş divarları arasından Bağdadı onun qucağına açdı. Azad məhbus yeni dünyasına qədəm qoydu - gözləri önündə azadlığını simvolizə edən evi və burnunda sevdiklərinin iyi ilə.
O uçulmuş bir evə və yanmış dəri qoxusuna doğru bərk tələsirdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
