Avstriyalı və amerikalı metobalizma (maddələr mübadiləsi) araşdırmaçıları Volfqanq Amadey Motsartın gün işığından yetərincə faydalanmaması səbəbindən erkən öldüyünü iddia ediblər.
Kulis.az-ın “Cumhuriyət” qəzetinə istinadən verdiyi xəbərə görə, Qraz Universitetində çalışan Stefan Pilz “D vitamini çatışmazlığı məşhur bəstəkarın immunitet sistemini zəiflətmiş və qan dövranı və böyrək xəstəliklərinə qarşı həssas vəziyyıtı gətirib” deyir.
Motsartın 1791-ci il dekabrın 5-də cəmi 35 yaşında olarkən hansı xəstəlik səbəbindən dünyasını dəyişməsi bu günə kimi müəmmalı olaraq qalır. Elə bu səbəbdən də müxtəlif ehtimallar irəli sürülüb. Ağciyər, selikli qişa, oynaq və boğaz infeksiyaları, sifilis, beyin qanaması, böyrək və ürək çatmazlığı və zəhərlənmə bunlardan bəziləridir.
İddia olunan xəstəliklərin əksəriyyətinin yaranma səbəbi D vitamininin çatışmazlığıdır. Bu fərziyyə ümumiyyətlə, gecələr çalışdığı üçün çox az halda gün işığına çıxmış olan Motsartın yaşayış tərzi ilə üst-üstə düşür. Bundan əlavə, D vitamini çatışmazlığı səbəbindən həmin illərdə Motsartın yaşadığı Avstriyada raxitlik də çox yayılmışdı. Raxitliyə və vərəmə qarşı mübarizədə günəş şüalarından istifadə metodu 19-cu əsrdə meydana çıxıb.
Motsartın 1791-ci ilin oktyabrında "Sehrli fleyta"nın təqdimatından qısa müddət sonra xəstələnməsi və iki ay sonra da həyatını itirməsi fərziyyəsini inkar etmir. Epidemioloji araşdırmalara görə Avstriyada günəş şüalarından D vitaminini almaq səviyyəsi sentyabr ayında belə çox aşağı olur. Həm də Avstriyanın yerləşdiyi coğrafi paralellərdə günəş işığı bədəndə yetərincə D vitaminin meydana gəlməsi üçün məqbul deyil.
Stefan Plizin dediklərinə görə, vitaminin əmələ gəlməsi üçün örtülü olmayan dərinin birbaşa günəş işığıyla təmasda olması zəruridir. D vitamini ehtiyatının az olması bir çox xəstəliklərin yaranma səbəbidir. Avstriyalı endokrinoloqları bir müddət əvvəl amerikalı, italyan və alman həmkarlarıyla birlikdə bədənlərində yetərincə D vitamini olmayan şəxslərin böyrək xəstələrindən daha erkən yaşlarda öldüyünü açıqlamışdı.
Vüqar Qurdqanlı
Motsartın ölüm səbəbi məlum oldu
25 iyul 2011
12:14
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Fransız operasının parlaq imzası - Onu niyə “qadın ruhunun musiqiçisi” adlandırırdılar?
14:50
13 avqust 2026
15 yaşında ilk mükafatını qazanan Xalq artistimiz - Hansı ölkənin şahzadəsi ona elçi düşmüşdü?
12:00
13 avqust 2026
Həyat yoldaşına tablolar həsr edən sənətkar - Çarlz Blekmanın məşhur əsərləri
16:50
12 avqust 2026
Pabın qaranlığından səhnənin zirvəsinə... - Məşhur "Sultans of Swing" necə yarandı?
14:25
12 avqust 2026
"Bu möhtəşəm günlərin qanlı köpükdən başqa bir şey olmadığını bilirdim..." - Tomas Mannın "Almaniyaya məktub"u
12:00
12 avqust 2026
Damcıların xaosu, abstrakt inqilab... - Cekson Pollokun məşhur əsərləri
14:00
11 avqust 2026
