Erməni tarixçinin əsəri Azərbaycan dilində

Media

Ana səhifə
Media

Erməni tarixçinin əsəri Azərbaycan dilində - ANONS

18 may 2011

12:10

Azərbaycan oxucusu, nəhayət ki, erməni tarixçisinin ən dəbdə olan əsərini mütaliə etmək imkanı qazandi. Söhbət ABŞ-da yaşayan erməni tarixçi Corc Burnutyanın “İrəvan xanlığı Qacarların hökmranlığı dövründə. 1795-1828” əsərindən gedir.

Lakin C.Burnutyanın əsərini mütaliə etməzdən öncə azərbaycanlı tarixçi, tarix elmləri namizədi Zemfira Hacıyevanın 83 səhifəlik şərhlərini oxumaq lazım gələcək. İki əsərin birləşdiyi kitabın ümumi adı “Təkrarlanan tarix – təkrarlanan şərhlər”dir.

Corc Burnutyanın İrəvan xanlığının son 33 ilinə həsr edilən əsərində bir sıra maraqlı məqamlar mövcuddur. Bu məqamlardan başlıcası müəllifin İrəvan xanlığının etnik tərkibi ilə bağlı qeydləridir. ABŞ-lı erməni mənşəli tədqiqatçı o dövrün rəsmi sənədlərinə istinadən sübut edir ki, XVIII əsrin sonu – XX əsrin əvvəllərində xanlıq ərazisində ermənilər əhalinin maksimum 20%-ini təşkil edirdilər. Yerli əhalinin böyük hissəsi isə azəri türklərindən ibarət idi.

Müəllif erməni separatizminin yaranma səbəblərini açıqlayarkən bu meylin Cənubi Qafqazdan çox-çox kənarda yarandığını, şəxsi mənfəət məqsədi güddüyünü, erməni kilsəsinin milli heysiyyətlə manipulyasiyaları və işğalçı rus ordusuna yardımçı olmuş “erməni milli azadlıq ordusu”nun əslində mif olduğunu sübut edir.

Günel ƏSGƏRZADƏ