Bu gün Puerto - Rikolu ilk qadın şair Lola Rodrigez de Tionun doğum günüdür.
Kulis.az onun "Saatlar" şeirini Aydan Ağayevanın sətri tərcüməsində təqdim edir.
Nə qədər də nəşəlidir saatlar!
Göylərdə dolaşan göyərçin sürüləri tək...
Sübhün incə pərdəsini parçalayaraq,
Əlvan işığı daha da parlaq edirlər.
Beləcə, onlar gömgöy atmosferi keçirlər,
Gurultulu səslə, lakin dinc uçuşla,
Aşiq olan xoşbəxt ilham pərimə
Xülya və yeni bir həsrət gətirirlər...
Mən onların ötüb keçdiyini hiss edirəm,
Fantaziyalarımı şirin-şirin yuyan
Son dərəcə saf ay şüaları kimi...
Tək bunu arzulayıram ki, sonuncu saatım
sevginin coşqun bir mehrabı olan evimə
çox gec gəlsin...
