Məşhur ispan aktyoru Xavier Bardem 22-30 sentyabr tarixlərində keçiriləcək 71-ci San Sebastian Film Festivalında nüfuzlu Donostia Mükafatı ilə təltif olunacaq.
Kulis.az xəbər verir ki, aktyor karyera uğuru mükafatını 22 sentyabr cümə günü Kursaal sarayında alacaq.
Bardem 70-dən çox filmlə İspaniyanın ən tanınmış aktyorlarındandır. O, Koen qardaşlarının “Qocalara yer yoxdur” filmindəki perfomansına görə Oskar, Qızıl qlobus və BAFTA mükafatlarını qazanıb. Aktyor sonuncu dəfə 2021-ci ildə San Sebastianda Fernando León de Aranoanın "The Good Boss" komediyasındakı rolu sayəsində iştırak imkanı qazanıb.
