Bu gün Viktoriya dövrü ingilis yazıçısı Elizabet Qaskellin anım günüdür.

Kulis.az onun əsərlərindən sitatları təqdim edir.

Bulud heç vaxt üfüqün bizim boylandığımız tərəfindən gəlmir.

*

Mənə nifrət etdiyini bilirəm, icazə ver deyim ki, bu, məni anlamadığın üçündür.

*

Gözləmək, hərəkət etməkdən qat-qat çətindir.

*

Kitablara bir uşağın tortlara baxdığı kimi - parıldayan gözlərlə, ağzı sulanaraq və məni gözləyən həzzi təsəvvür edərək baxıram.

*

Düşünmək məni dəfələrlə kədərləndirib, əzizim, amma hərəkət etmək ömrüm boyu heç vaxt kədərləndirməyib... Mənim prinsipim budur: bir iş gör, bacarırsansa yaxşılıq et, amma nə olursa-olsun, mütləq bir iş gör.

*

Onun axmaq olduğunu deməyəcəyəm, amma məncə, ikimizdən biri axmaq idi və o mən deyildim.

*

Kişilər qadınlardan necə də fərqli idilər!

*

Bəzən adam axmaq insanları axmaqlıqlarına görə, müdrik insanları müdrikliklərinə görə sevdiyindən daha çox sevir.

*

Özləri xoşbəxt və uğurlu olanlar başqalarının bədbəxtliyinə çox vaxt yüngül yanaşırlar.

*

Mən özünə düşkün, şəhvətpərəst insanları nifrətimə layiq görmürəm, sadəcə xarakterlərinin zəifliyinə görə onlara ikrahla baxıram.

*

Gözləmək həzzin ruhu idi.

*

Nələrin ola biləcəyini dərk etdikcə, olanlara şükür etməyə başladı.

*

Meyil və istək öndə gedəndə fürsətlər çox vaxt əskik olmur.

*

O, qızı sevirdi və sevəcəkdi də - həm ona, həm də bu dözülməz fiziki ağrıya meydan oxuyacaqdı.

*

Bir sirrin üstünü açmaqda, insanı həqiqətə aparan o hörümçək toru qədər incə ipucundan yapışmaqda həmişə xüsusi bir zövq var.

*

Ən uzun cığırın belə bir döngəsi olur.

*

Səndən başqa heç kim məni sevmir, heç kim mənim qayğıma qalmır, ana.

*

Qəzəbə kəskinlik verməkdə yaralanmış məhəbbətin tayı-bərabəri yoxdur.

*

Bir az sadəlövhlük insana həyat yolunda çox rahat irəliləməyə kömək edir.

*

Tənha həyat sadə xəyalları bəsləyərək onları dəliliyə çevirir.

*

Gözləməyin nə faydası var? Qaynamağı gözlənilən qazan heç vaxt qaynamaz.

• “Minions & Monsters” ekranlara qayıtdı
• İnsanları döyüş maşınına çevirən sistem - Bir uşağı necə qatilə çevirmək olar?
• "Aerosmith" üç ildən sonra səhnəyə qayıtdı - Konsertə Conni Depp və Deyv Qrohl da qoşuldu