ABŞ-də müəllif hüquqlarının pozulması ilə bağlı mühüm məhkəmə qərarı çıxarılıb. "WeLib" adlı elektron kitab piratçılığı platformasına qarşı qaldırılmış iddia üzrə məhkəmə 19,5 milyon dollar məbləğində təzminat müəyyən edib.
Kulis.az xəbər verir ki, qərar noyabrın 9-da Nyu-Yorkun Cənub Dairəsi üzrə Federal Məhkəməsində qəbul olunub.
İşdə 13 nəşriyyat və nəşriyyat sahəsinin müxtəlif iştirakçıları yer alıb. İddiaçılar platformanın müəlliflərin və nəşriyyatların icazəsi olmadan kitabları, eləcə də elmi jurnallardakı məqalələri kütləvi şəkildə yaydığını bildiriblər.
Məhkəmə müəllif hüquqları pozuntusuna məruz qalmış 130 əsərin hər biri üçün qanunla nəzərdə tutulan maksimum 150 min dollar təzminat müəyyən edib. Beləliklə, ümumi məbləğ 19,5 milyon dollara çatıb.
Qərarda təkcə pul cəzası nəzərdə tutulmur. Domen qeydiyyatçılarına saytın ünvanlarına çıxışı məhdudlaşdırmaq, onların başqa şəxslərə ötürülməsinin qarşısını almaq barədə göstəriş verilib. Beynəlxalq internet provayderləri və hostinq xidmətlərinin də platformaya xidmət göstərməsinin dayandırılması tələb olunub.
Hadisə elektron kitab bazarında müəllif hüquqlarının qorunması ilə bağlı müzakirələri yenidən gücləndirib. Rəqəmsal kitabların sərhədsiz yayılması oxucular üçün əlçatanlıq yaratsa da, müəlliflərin və nəşriyyatların gəlirləri, intellektual mülkiyyət hüquqları məsələsini daha mürəkkəb vəziyyətə gətirir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər