Tbilisi şəhəri eramızın V əsrində gürcü sərkərdəsi Vaxtanq Qorqasali tərəfindən salınmışdır. Gürcüstanın paytaxtı, Qafqazın mühüm sənaye, mədəniyyət və elm mərkəzlərindən biri. Ölkənin şərq hissəsində, Kür çayının hər iki sahilində, 406-522 metr hündürlükdə, Tiflis çökəkliyində yerləşir. Ərəblərin, Teymurilərin, Osmanlı və Səfəvilərin işğalı altında olan bu şəhərdə türk-müsəlman izləri qalmaqdadır. M. F. Axundov, M. Ş. Vazeh, Ə. Topçubaşov, N. Nərimanov və başqa Azərbaycan ziyalıları burada yaşayıb-yaradıblar.
2011-ci ilə olan qeyri-rəsmi məlumata əsasən Tiflisdə 37 min nəfər etnik azərbaycanlı yaşamaqdadır. Əsas əhalisini gürcülər təşkil edir. Ruslar və ermənilər də çoxluq təşkil edir.