Sasseks hersoginyası, aktrisa Meqan Markl "MasterChef Australia" kulinariya şousunun çəkilişlərində təsadüfən təhqir olunub.
Kulis.az xəbər verir ki, bu barədə "Page Six" nəşri məlumat yayıb.
İddialara görə, Meqanın komandasının çəkiliş qrupundan yalnız bir xahişi olub — Britaniya kral ailəsinin xatırlanmaması.
Lakin şounun daimi münsifi Po Lin You Marklı təqdim edərkən bunu unudub. O deyib:
"Mətbəximizdə artıq kral şef-aşpazları olub, ancaq beləsi hələ olmamışdı. Günəşli Kaliforniyadan, zəhmət olmasa, "MasterChef Australia"da Sasseks hersoginyası Meqan Marklı salamlayın!".
İnsayderlərin sözlərinə görə, Meqan təqdimatdan yalnız çəkilişlərdən sonra xəbər tutduğu üçün çox məyus olub. "Bu hissə çəkilərkən o, qapının arxasında idi, ona görə də nədən bəhs edildiyini bilmirdi", - deyə mənbə əlavə edib.
Vəziyyət münsifi də məyus edib, çünki prodüserlər məhdudiyyətlər barədə onu məlumatlandırmayıblar. Bununla belə, Sassekslərə yaxın başqa bir mənbə bildirib ki, münsifin sözləri Meqan Marklın xətrinə dəyməyib.
Qeyd edək ki, Meqan Markl və şahzadə Harri 2018-ci ildə evləniblər, 2020-ci ildə kral vəzifələrindən imtina edərək iki övladı ilə birlikdə Böyük Britaniyadan ABŞ-yə köçüblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər