news-inner
clock11:30 calendar-gray 06 Mart 2014 view-gray895 dəfə oxunub
view-gray895 dəfə oxunub

İnsanlardan daha doğma...

Əşyaların qiyməti həmişə onun maddi dəyəri ilə ölçülmür.

Məsələn, Paqanininin skripkası, Bethovenin pianosu, Üzeyir Hacıbəylinin eynəyi və s. Hətta, istənilən məşhurun, istənilən əşyası...

Bir də var, insanın özü üçün xüsusi məna daşıyan əşyalar. Məsələn, Əkrəm Əylislinin “Kür qırağının meşələrini” yazmağa başladığı qələm bütün ədəbiyyatsevərlər üçün maraqlı olar. Amma, Əkrəm müəllimin özü üçün, tamam fərqli, heç gözləmədiyimiz bir əşya daha böyük mənəvi yük daşıya və hətta onun həyatının mühüm bir hissəsinin simvoluna çevrilə bilər.

Sizdə necədir?

Sevdiyiniz və heç vaxt unutmadığınız, həyatınızın hər hansı bir dönəmini rəmzləşdirən bir əşya varmı? Onu qoruyursunuzmu? Bəlkə itirdiyiniz üçün əhəmiyyətlidir? Bu barədə yazmaq istərdinizmi?

Kulis.az yeni bir layihəyə start verir: “Əşyalar və sözlər”

Bu barədə yazarlar da, oxucular da öz yazılarını təqdim edə bilər.

Janrı və həcmi özünüz seçin. Necə rahatdırsa o cür... Azad və səmimi.

Başlayırıq.

***

“Əşyalar və sözlər” layihəsi çərçivəsində Aida İsmayılovanın“Dəftər” essesini təqdim edirik.

Mənim üçün ən dəyərli əşya nədir? Bilmirəm, tez-tez öz qeydlərimi etdiyim, sirlərimi paylaşdığım qalın bir dəftəri əşya adlandırmaq olarmı? Axı sən onunla bölüşdüklərini insanla bölüşə bilmirsən və bu dəftər artıq sənə cansız əşya kimi gəlmir.

Orta məktəb illərindən hər gün olmasa da, tez-tez öz fikirlərimi yazdığım, qeydlərimi etdiyim, heç kəsə deyə bilmədiyim, düşüncələrimi yazdığım bir dəftərim var, daha doğrusu artıq üç dəftər olur. Elə anlar olur ki, heç kəsin səni anlaya bilməyəcəyini düşünürsən. Bir də axı indi insanlar daha çox qınamağı üstün tuturlar, nəinki başa düşmək... Bax o zaman sadəcə yazmaq istəyirsən, içindəkiləri söz demədən, səssiz dinləyən soyuq sətirlərə yazırsan. Həyatımın ən sevincli, ən kədərli günlərinə “şahidlik” edib bu dəftər, hələ də edir.

Hər insanın heç kimə deyə bilmədiyi fikirlər olur. Uşaq vaxtı özünə qapanıq olduğum üçün öz yaşıdlarımla ünsiyyətim az idi. Həm də onların dünyası başqa idi, mənim dünyam başqa... Daim dünya, həyat haqqında düşünürdüm, bunları isə heç kimlə bölüşə bilmirdim, elə o vaxtdan yazmağa başladım. Yazmaq insanı yüngülləşdirir, rahatlıq verir.

İnsanın həyatında hər şey yerində olsa belə, daxilində nəsə bir çatışmazlıq, boşluq hissi olur, elə düşüncələrə dalır ki, onları ancaq yazmaqla yüngülləşmək olar. Mənim gündəliyim də beləcə mənim həyat hekayəmin sadiq, daimi dinləyicisidir. Bu həm də ona görə yaxşıdır ki, kiməsə problemini deyib “yaxşı olar, fikir vermə, düzələr” kimi saxta sözləri eşitmirsən, insanların səni “yola verdiyi”nin şahidi olmursan. Gündəliyim mənim dostumdur desəm, yanılmaram.

Həm də o, məni danlamadan, qınamadan, saxtakarlıq etmədən dinləyir.

Hər insanın öz dünyası var, o dünyanı hər kəs anlaya bilmir. Ürəyinizi görməyən insanlarla düşüncələrinizi bölüşməyin, onları yazın.

Nə qəribədir ki, canlı insanlardan uzaq düşüb, cansız əşyalarda daha çox etibar axtarırıq. Texnika inkişaf etdikcə insanlar da sanki “robotlaşır”, hissləri, duyğuları itir. Yaxşı hissləri yazmaq lazımdır ki, heç olmaya onlar itməsin, sətirlərdə, sözlərdə yaşasın.

Onu da qeyd edim ki, gündəliyimi heç kimin oxumasını istəmirəm. Yəqin ki, onun ömrü mənim ömrüm qədər olacaq, amma bilmək olmaz, insanlar fanidir, əşyaların isə “ömrü” çox uzundur...

http://news.lent.az/kulis/news/8003

http://news.lent.az/kulis/news/8042

news-inner-user

15317 məqalə

Oxşar xəbərlər

Xəbər lenti

Tanınmışlar "Əl açdım göylərə" layihəsində - Video
17:22 25 May 2020
Qarışqanın edamı – Təranə Vahidin hekayəsi
16:30 25 May 2020
"Oyuncaqların hekayəsi"nin yaradıcıları geylər haqqında cizgi filmi çəkdi
15:45 25 May 2020
Xalça Muzeyinə virtual tur təşkil olundu - Foto
14:31 25 May 2020
Məşhur yazıçı vəfat etdi
13:14 25 May 2020
Ərimə saçlarını oynadan qadın – Güneyli yazarın hekayəsi
12:20 25 May 2020
Bu gündən muzeylərdə açıq qapı günləri başlayır
11:12 25 May 2020
Orhan Pamukun "Məsumiyyət muzeyi" serial olur
10:05 25 May 2020
"Çiçek Taksi"nin Ayşesi: "İstanbul ölülər şəhərinə bənzəyir" - Müsahibə
09:28 25 May 2020
Siz redaktor görməmisiniz! – Müsəllim Həsənov yazır...
13:18 24 May 2020
Fuad Poladovun ölümündən sonra yayılan müsahibəsi: “İstəyirəm bu narazılıq son nəfəsimə qədər davam etsin”
12:03 24 May 2020
Ən gözəl irfan şeirimiz – Mətn
10:58 24 May 2020
Vatikanda muzeylər açılır
17:09 23 May 2020
Çağırış
16:30 23 May 2020
“Harri Potter” rekord qiymətə satıldı
15:24 23 May 2020
Sevdiyimiz və sevmədiyimiz tərcümələr - Firidun Ağazadə
14:18 23 May 2020
“Ər və arvad” tamaşası nümayiş olunacaq
13:29 23 May 2020
Sahibinin taleyini yaşayan heykəl - Aybəniz İsmayılova yazır
12:17 23 May 2020
Mədəniyyətimizin “Arxa qapı”sı – Şərif Ağayar yazır...
11:41 23 May 2020
Amerika prezidentinin romanı nəşr olunacaq
11:10 23 May 2020