news-inner
clock03:03 calendar-gray 16 Fevral 2014 view-gray730 dəfə oxunub
view-gray730 dəfə oxunub

Uşaqlaşmaq üçün bir bənd yetər

Roman əsrinə düşmüşük.

Roman mübtəlası olmuşuq.

Əsrin, minilliyin bu dar macalında, bu dar zamanında ya stutus axtararıq “like” eləməyə, ya da roman axtararıq oxumağa.

Kitab mağazasına girib gözümüz vitrində ən qalın kitabı, ən uzun hekayə kitabını axtarar.

Şeir kitablarına gözümüzün ucu ilə də baxmarıq.

Elə bil kitab almırıq, ruhumuzu yedirtməyə “ərzaq” almırıq, mədəmizi doyurmağa kartof-soğan alırıq.

Pulumuza tən gəlsin, ağır gəlsin.

Pul sayırıq, qoy kitabın hərfləri də çox olsun, vərəqlərinin sayı da.

Odur ki, şeirdən uzağıq.

Aldığımız şeir kitabları çox vaxt ya maşınımızın “bardaçok”unda, ya rəfimizin bir küncündə unudulub qalar.

Bizə roman lazımdır. Şeir nəyə gərək.

Yaxşı ki, Mətləb Ağanın şeir kitabını əlimə götürdüm, varağladım.

Elə bil, isti otaqdan soyuq qış havasına çıxdım.

Ruhum təzələndi.

Onun bu adsız şeirləri içində anaya həsr edilmiş bir şeirini oxudum. Gözlərimin önünə balca Mətləb yox, balaca Mirmehdi gəldi.

Kövrəldim.

***

Kənddə bir axşamüstü

gördüm fağır Mətləbi...

qoyma gedib böyüsün,

ana, çağır Mətləbi...

Çörəyini ver yesin,

suyunu ver, getməsin...

istədiyi yerini,

göyünü ver, getməsin...

...hanı həminki Mətləb

nə zaman yoxa çıxdı?..

hansı dənizdə batdı,

ya hansı dağa çıxdı?..

...indi çağır, dayansın,

sonra çətin çatarsan...

yenə gedib Kür üstə

qoyunları otarsın...

...deyərsən:-“mənim balam,

məni bu işə qatma;

öz anası çağırsın,

mən çağırsam, qayıtmaz...”

...Və bir də Yeseninin məşhur “Anama məktub” şeiri gəldi durdu gözümün önündə. Eyni ruh, eyni nisgil, eyni həsrət...

Deyirlər, övladlar nə qədər yaşlansalar da valideynlərinin gözündə uşaq olaraq qalırlar. Amma bu məsələnin başqa tərəfi də varmış.

Elə biz də nə qədər böyüsək də nə zamansa, hansı andasa, hansı məqamdasa anamızın balaca Mətləbi, balaca Mirmehdisi, balaca Əlisi, balaca Vəlisi olmaq istəmirikmi?

Bu dünyadan küsəndə, özümüzdən küsəndə, zaman bizi haxlayanda, dünyanın çirkabına batanda hərdən silkinib o qayğısız, o qoyun otaran çağımızı istəmirikmi?

... Həəə, şeir belədir, şeir kitabı belədir. Əlinə götürərsən, bir vərəqləyərsən, ruhun durular, təzələnərsən, dua kimi təskinlik taparsan.

Paklanarsan.

Balacalaşarsan.

Uşaqlaşarsan.

Balaca özün olarsan.

Elə bil, yenidən doğularsan.

Günahlarından arınarsan.

Dünyaya başqa gözlə baxarsan...

Tələsmək lazımdır.

Nə qədər vaxtımız qalıb ki, bu dünyada. Cəmisi 11-ə qədərdir.

Oxşar xəbərlər

Xəbər lenti

İsmayıl Şıxlının ilk və son şeiri - Mətn
12:01 26 Yanvar 2020
Gecə saat 3-də gələn qonaq - Yeni hekayə
16:51 25 Yanvar 2020
Rəşid Behbudovun xatirə gecəsi keçirildi
16:14 25 Yanvar 2020
Azərbaycana da ayaq açmış "Mendelson marşı" ilk dəfə kimin toyunda çalınıb? - Maraqlı fakt
15:07 25 Yanvar 2020
"Pərdə"nin rejissoru yeni film çəkir - Eksklüziv
14:18 25 Yanvar 2020
Avstriya şirkəti İçərişəhərdə yeraltı abidəni bərpa etdi
13:52 25 Yanvar 2020
Bəhram Bağırzadə ərəb turistlərdən danışdı: "Kimsə biqeyrətliyi boynuna alıbsa..." - Video
12:41 25 Yanvar 2020
Bakıda məşhur fransız rejissorun filmi nümayiş olunacaq
12:14 25 Yanvar 2020
Bakıya beynəlxalq kitabxanaçılar dəvət olundu
11:15 25 Yanvar 2020
Cırtdan it hürən tərəfə gedərsə... - İlqar Kamil yazır...
10:41 25 Yanvar 2020
Nə pismiş sevgisiz böyüklük – Şəhriyardan yeni şeir
10:07 25 Yanvar 2020
Tolstoyun son sözləri: "Heç kəs zəhləmi tökməsin" - Həyatı film olanlar
09:00 25 Yanvar 2020
Söz oynadan şairlər - Elşən Mehdi ilə video-söhbət
21:02 24 Yanvar 2020
Rusiyada Aləm Kəngərlinin kitabı çap olunacaq
18:55 24 Yanvar 2020
“Salam, Dar ağacı” onundurmu? – Şairin çap olunmayan digər şeirləri – Təqdimat
18:18 24 Yanvar 2020
Viktor Hüqonun şeirlərinin əlyazması tapılıb
17:38 24 Yanvar 2020
Hamilə arvadını döyən ər - Hekayə
17:02 24 Yanvar 2020
Səməndər Rzayevin 75 illik yubileyi qeyd ediləcək
16:25 24 Yanvar 2020
Azərbaycanlı jurnalist Türkiyə televiziyasında veriliş aparacaq
15:42 24 Yanvar 2020
Anar AYB sədrliyinə namizədliyini verəcək
14:55 24 Yanvar 2020