news-inner
clock09:00 calendar-gray 26 Mart 2013 view-gray5555 dəfə oxunub
view-gray5555 dəfə oxunub

Nizami Rəmzinin günümüzlə səsləşən məşhur meyxanası

Azərbaycanın tanınmış meyxana ustası, şair-qəzəlxan Nizami Rəmzinin 1947-ci il dekabrın 20-də Bakıda anadan olub. Rəmzi dünyasını dəyişmiş oğlunun özünə təxəllüs götürdüyü adıdır.

Əslən Xızı rayonundan olan Nizami Rəmzi Bakıdakı 176, 158 və 159 saylı məktəblərdə orta təhsil alıb, sonra Ticarət Texnikumunu (1967) bitirib. Əmək fəaliyyətinə sürücü kimi başlasa da, sonradan ömrünü meyxanaya bağlayıb. Onun ən böyük xidmətlərindən biri odur ki, meyxanaya bir sıra yeniliklər gətirdi, o vaxta qədər avam və dələduz insanların janrı sayılan meyxanaya yeni ruh verdi, yalnız çırtma və nağaranın müşayiəti ilə deyilən meyxananı musiqi ilə ifa etməyə başladı.

Nizami Rəmzi meyxananı adi toy, el şənliklərindən böyük sənət ocaqlarına, səhnələrə daşıdı. İlk dəfə Müslüm Maqomayev adına Azərbaycan Dövlət Filarmoniyasında və Respublika Sarayında meyxana janrını geniş auditoriya qarşısında nümayiş etdirdi. Meyxananı televiziya ekranlarına da ilk dəfə Nizami Rəmzi çıxardı, o dövrün məşhur verilişlərindən olan «Dalğa» proqramında səsləndirdi. Bundan sonra isə müntəzəm olaraq televiziya verilişlərinə dəvət edilməyə başladı. Meyxanaçılar arasında ilk dəfə kinofilmə («Qəzəlxan») və sənədli filmə («Göy qurşağı») də məhz Nizami Rəmzi çəkildi.

Xarici ölkələrdə də (Türkiyə, İran, Almaniya, İsrail, Gürcüstan, Özbəkistan, Rusiya və s.) meyxananı ilk dəfə Nizami Rəmzi nümayiş etdirdi. Meyxana janrında ilk klipi də Nizami Rəmzi çəkdirdi, ilk dəfə də qadın müğənnilərlə musiqisi və sözləri özünə aid olan duetləri ifa etdi.

Nizami Rəmzi həm də bəstəkar və müğənni idi. Onun «Ana», «Xızı dağları», «Aşiq və Canan» və s. mahnıları indi də müğənnilər tərəfindən ifa olunur. Hazırda «Bakılı balasıyam» kimi oxunan mahnı isə əslində Nizaminin «Dağlı balasıyam» mahnısıdır ki, vəfatından sonra adı dəyişdirilib.

Meyxananın caz ilə sintezini də Nizami Rəmzi Rəşid Behbudov adına Dövlət Mahnı Teatrı ansamblının müşayiəti ilə lentə almış, xalq artisti Bilal Əliyev Nizami Rəmzi ilə birgə «Torpaqdan pay olmaz» adlı «caz-meyxana» oxumuş və bununla da «caz-meyxana»nın təməlini qoymuşdu.

Təkcə meyxananı tinlərdən, “palatka” toylarından konsert salonlarına, filarmoniya səhnəsinə daşıması onun adının tarixə həkk olunmasına kifayət edirdi. Nizamini digər həmkarlarından fərqləndirən başlıca xüsusiyyəti meyxananı hər bir dövrün nəbzinə uyğunlaşdırmağı bacarmasıydı. Meydan hərəkatı illərində Nizami Rəmzinin Xalq Cəbhəsinə, Qorbaçov və Vəzirova həsr etdiyi meyxanalar bütün ölkədə populyar idi.

Nizami Rəmzi 1997-ci il yanvarın 19-da baş verən yol qəzasında həmkarı Kəbir Azəri ilə birlikdə həlak olub.

Nizami Rəmzinin günümüzlə səsləşən məşhur meyxanalarından birini diqqətinizə çatdırırıq. Qeyd edək ki, bu meyxana böyük Füzulişünas alim Əkrəm Cəfərlə Nizami Rəmzinin söhbəti zamanı bədahətən səslənib.

Abad olmaqdan qəsəbəmiz get-gedə viran olur,

Yazdıqca qurtarmayır, bir böyük dastan olur.

Yasamalın halına çoxlu dastan yazırlar,

Hətta sakinlər belə gündüzlər də azırlar,

Yorulmurlar bir yeri dəfələrlə qazırlar,

Elə bil əkin yerində şumlayan kotan olur,

Abad olmaqdan qəsəbəmiz get-gedə viran olur,

Yazdıqca qurtarmayır, bir böyük dastan olur.

Əvvəlcə bu yolları gəlib hamarlayırlar,

Qazıntı lazım oldu, kimisə tumarlayırlar,

Təzə döşənmiş yeri dağıdıb korlayırlar,

Xəndəkləri görəndə halımız yaman olur,

Abad olmaqdan qəsəbəmiz get-gedə viran olur,

Yazdıqca qurtarmayır, bir böyük dastan olur.

Oxşar xəbərlər

Xəbər lenti

Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Hüquqşünas teatra rəhbər gəldi
16:23 30 İyul 2021
Qısa hekayə: Yanğın
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021
Özü torpağın altında, saatı cibimdə... - Orxan Cuvarlı yazır
10:09 30 İyul 2021
Tural Abbaslının hay-küyü, Aysel Əlizadənin kukla eksperimenti - “Elin sözü” düzdürmü?
09:01 30 İyul 2021
Ən gözəl sevgilərlə xərçəng belə sağalar - Bahar Zamanının şeirləri
21:00 29 İyul 2021
Kino Günü açıq havada qeyd olunacaq
18:06 29 İyul 2021
Müəllifi kim öldürüb? - Qismət yazır...
17:20 29 İyul 2021
Azərbaycan almanlarından bəhs edən kitab çıxdı
16:51 29 İyul 2021
Dünya şöhrətli musiqiçi vəfat etdi
16:07 29 İyul 2021
APA TV-yə yeni baş direktor təyin olundu
15:21 29 İyul 2021
Rus məktəbində oxudu, əxlaqsız qadına görə “KQB”-yə çağırıldı, ad günündə öldü: Nəbi Xəzri onu niyə şilləylə vurmuşdu? - Xalq yazıçısının qeyri-adi həyatı
15:01 29 İyul 2021
İngiltərə şahzadəsinin toy tortu hərraca çıxarıldı - Foto
14:34 29 İyul 2021