news-inner
clock15:26 calendar-gray 27 Dekabr 2012 view-gray4839 dəfə oxunub
view-gray4839 dəfə oxunub

Qənirə Paşayeva: “Roqojini sevirəm”

Ondan müsahibə almaq istəyirdik, bu haqda xahişimi mesaj vasitəsiylə ona çatdırdım.

2 dəqiqə keçməmiş telefonuma böyük bir mesaj hissə-hissə düşməyə başladı: “Salam. Kitabınızı oxuyuram. Maraqlıdır. Qurtaranda sizə tam fikrimi deyəcəm. İndi Kiprdəyəm. Axşam İstanbuldan Vyanaya, oradan da Hollandiyaya uçacağam. On dördü Bakıdayam. Təcili deyilsə o zaman görüşək. Kulisi oxuyuram, çox xoşuma gəlir, sizi görə bilməsəm də Vüsalə xanıma bu haqda deyirəm”.

Bu qədər gərgin iş rejimində vaxt tapıb Kulisi və mənim kitabımı oxumaq asan deyil.

Amma o Qənirə Paşayavadır, gənc həyatına böyük uğurları sığışdırmağı bacaran, enerjili, zəhmətsevər qadın...

O, Bakıya qayıtdıqdan sonra vədələşdik, keçən cümə, o qiyamət gününün gecəsi görüşdük.

Qənirə xanımın atası ədəbiyyat müəllimi olub.

Ələsgər müəllimin evində hələ uşaq ikən Qənirə xanım kimləri görməyib?

Bəxtiyar Vahabzadə, Hüseyn Arif, Abbas Zamanov...

Ədəbiyyat sevgisi atasından keçib.

Atası Bəxtiyar Vahabzadənin şeirini oxuyanda şair için-için ağlayırmış.

Əmisi ədəbiyyatşünas alim, professor Qəzənfər Paşayevdir.

Anası Tehran xanım kimya müəlliməsidir.

Qənirə xanım onu mənimlə tanış edəndə bir müəllimə təmkini ilə dedi ki, tanıyıram.

Kulis.Az-ı yaxşı oxuyur Tehran xanım.

Murad Köhnəqalanı soruşur, deyir, Baxçalıdan yaxşı yazmışdı Murad.

Qənirə xanıma bağışladığım kitabları həvəslə vərəqləyir, Fərəh Pəhləvinin memuarını görüb deyir, bunu çoxdan oxumaq istəyirdim.

Belə bir ailədə böyüyüb Qənirə xanım.

Söhbətə 21 dekabr zarafatları ilə başlayırıq.

Məntiqlə qiyamətdən sonra söhbət buna yaxın bir mövzunun üstünə gəlməlidir, misal üçün Lars fon Trierin “Melanxoliya” filminə...

Amma biz Dostoyevskinin üstünə gəlirik və ədəbiyyat dünyası haqda həyəcanlı, bir-birimizin sözünü kəsərək etdiyimiz söhbət saatlarla çəkir.

Qənirə xanım “Dostoyevskinin mənfi qəhrəmanlarını da sevirəm” deyir.

Mən də Slavyan Universitetinin çap etdirdiyi Baxtinin “Dostoyevskinin poetikası” kitabından söhbət salıram.

Həmsöhbətimin Kafka haqqında maraqlı müşahidəsi var: “Kafkanın ağrısını yaxşı anlayıram. Məncə bu ağrı insanı azadlığa aparır”.

Kafka haqqında dedikləri bir qadının, bir həkimin mərhəmətinə çox bənzəyir.

Sanki Qənirə xanım bir pasienti haqda, ya da bir dostu haqda danışır, onun faciəsinə təəssüflənir.

Söhbət artdıqca mənim təəccübüm və heyrətim də artır.

Xüsusən də gənc deputat “Master və Marqarita”nı şagird vaxtlarında oxuduğunu deyəndə...

Dilimizə bir neçə il qabaq tərcümə edilmiş bu kitabı Qənirə xanım rusca oxuyub.

Ümumiyyətlə rus dilini çox yaxşı bilir, bir çox kitabları rusca mütaliə edib.

Sartr Kamyu konflikti haqda danışır, Kamyunu daha çox sevir.

Ürəyimdə Sartrın tərəfindəyəm, polemika etmirəm.

Simona de Buvardan heyranlıqla danışır, ümumiyyətlə uğurlu qadınları çox sevir Qənirə xanım, “İkinci cins”dən (Simonanın kult əsəridir) sitatlar gətirir.

Qənirə xanımda insanı heyran edən bir zəhmətsevərlik var.

Həkim olmayacağını bilsə də Azərbaycanın ən çətin universiteti olan Tibb Universitetinin pediatriya fakültəsini bitirib.

Bunu yalnız anasının istəyinə görə edib, universitet diplumunu da anasına bağışlayıb.

Tələbə olanda sistem vurmaqla, uşaqları müalicə etməklə özü üçün pul qazanmağa başlayıb.

Sonra da Bakı Dövlət Universitetinin yüksək ballı fakültələrindən olan beynəlxalq hüquq fakültəsini bitirib.

23 yaşından jurnalistika ilə məşğuldur, ANS-in parlaq simalarından olması hamımızın yadındadır.

Saatlar keçdikcə mənim enerjim azalır, amma Qənirə xanım sufilər haqda ehtirasla danışır.

“Məsnəvi”nin müxtəlif tərcümələri var.

Qənirə xanımın sufizmə marağı adi oxucu marağı deyil, bir həyat fəlsəfəsi kimi mənimsəyib sufiliyi...

Söhbətin son saatlarını Qənirə xanım söhbətdə iştirak edən həyat yoldaşımla bol rəqəmli, terminli sosial siyasət danışmaqla keçirdir.

Mənim intellektual səlahiyyətim söhbətdə ancaq dinləyici kimi iştirak etməyə çatır.

Bir-birimizə yeni görüşlərə dəvət edərək ayrılırıq.

Qənirə xanımım mənə hədiyyə etdiyi “Molla Nəsrəddin” jurnalının külliyyatının iki cildi ilə evə qayıdırıq.

Gecə saat üçdür, sulu qar yağır...

news-inner-user
Qan Turalı

228 məqalə

Oxşar xəbərlər

Xəbər lenti

Xalça şərqisi – Rafiq Tağının hekayəsi
21:01 05 Avqust 2021
Mirzə Cəlilin nəvəsi Fransadakı səfirliyimizdə olub
18:54 05 Avqust 2021
Qəbələ Musiqi Festivalı başa çatdı
18:14 05 Avqust 2021
Yaxınları Rafiq Tağını ziyarət etdi - Foto
18:07 05 Avqust 2021
Tanınmış yazıçı ilə görüş keçiriləcək
17:30 05 Avqust 2021
Axına qarşı üzmədən nəyəsə nail olmaq qeyri-mümkündür
17:01 05 Avqust 2021
Azərbaycanda etdiyi bu rəqsə görə Rafet El Romanı topa tutdular - Video
16:14 05 Avqust 2021
Rafiq Tağının qardaşı: “Anam qətlə yetirildiyini bilmirdi, ona qurban demişdi” – Müsahibə
15:21 05 Avqust 2021
Yaponiyada alovlanan olimpiya məşəli və Türkiyədəki meşə yanğınları
14:43 05 Avqust 2021
Nobelli şair məhkəməni uddu
14:01 05 Avqust 2021
"Çocuklar duymasın"ın Havuçu yanğınsöndürənlərə qoşuldu - Fotolar
13:12 05 Avqust 2021
Başı kəsilən Sevinci necə xilas edə bilərdik?
12:26 05 Avqust 2021
Əri evə başqa qadın gətirdi, efirə çıxarmaq üçün ona əxlaqsız təkliflər etdilər, iki uşağıyla ac-susuz qaldı – Səfil həyatı yaşayan xanəndəmiz
12:02 05 Avqust 2021
Flora Kərimovanı hədəfə alanların əsl siması – Sevda yazır...
11:01 05 Avqust 2021
Azərbaycanda yeni musiqi aləti yaradıldı - Foto
10:31 05 Avqust 2021
44 müəllifdən 44 ən yaxşı hekayə - Yeni layihə
10:01 05 Avqust 2021
Kosmik raketlərdən bəhs edən peyğəmbər hədisi – Zamin yazır...
09:00 05 Avqust 2021
Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021