news-inner
clock17:02 calendar-gray 13 Avqust 2020 view-gray1891 dəfə oxunub
view-gray1891 dəfə oxunub

Məşhur rejissorların ürəyində qalan 5 film - Çəkmək istəyirdilər, alınmadı...

Kino səhəsində bizə daim hazır məhsullar təqdim olunduğundan rejissorların arzularından, çəkmək istəyib nail olmadıqları layihələrdən xəbərsiz qalırıq. Kulis.az məşhur rejissorların çəkə bilmədikləri beş filmi təqdim edir.

Alfred Hiçkok - “Kaleydoskop”

Gallery

Alfred Hiçkok tamaşaçılarda qarışıq duyğular yaradan trillerlər yaratdı. “Psixo”, “Cırıq pərdə” və “Şantaj” bu cür filmlər sırasındadır. Onun filmləri uzun müddət insanın ruhuna təsir edərək görünməz izlər buraxdı.

1966-cı ildə Hiçkok Antonioni Mikelancelonun "Fotoböyütmə" filminə baxdıqdan sonra öz filmlərini "keçən əsr" filmləri adlandıraraq çılpaqlıq və zorakılığın çox olduğu film çəkəcəyinə qərar verdi. O, hətta filmin süjetini düşünmüş, məzmunu haqqında açıqlama vermişdi. Film 3 hissədən ibarət olmalıydı. Hər birində isə qətl vardı. Birinci qətl fabrikdə, ikincisi şəlalədə, üçüncüsü isə gəmidə olmalı idi. Onun hesablamalarına görə filmin büdcəsi milyon dollardan az idi.

Lakin, MCA-Universal studiyası filmin ideya və xərclərini bəyənmədi. Və Hiçkokun “Kaleydskop” filmindən imtina etdi. Rejissor nəinki filmin ideyasını həmçinin bir saatlıq sınaq çəkilişlərini də ləğv etməli oldu.

Sergey Eyzenşteyn - "Amerika faciəsi"

Gallery

Stalinin sovet Rusiyasında Sergey Eyzenştyen tez-tez formalizmdə ittiham olunurdu. Bu isə o dövr üçün olduqca təhlükəli bir damğa idi. Rejissorun özü də bu barədə istehza və hirslə danışırdı. 20-ci illərin sonlarında Eyzenşteyn artıq xeyli məşhurluq qazanmışdı. O, Qərbi Avropa və ABŞ-da mühazirələr oxuyur, Hollivudda səfər edirdi. Güman edilirdi ki, o, sovet rəssamlarının və artistlərin nailiyyətləri ilə kapitalist qərbini tanış edir. Rejissor Hollivudda olarkən “Paramount Pictures” şirkətinin rəhbəri Cessi Laski Eyzenşteynin filmlərinə heyran qaldı və 1930-cu ilin aprelində Teodor Drayzerin "Amerika faciəsi" romanı əsasında film çəkmək üçün ona 100.000 dollar təklif etdi. Altı aydan sonra Eyzenşteyn filmin ssenarisini şirkətə təqdim edəndə Laski ssenarinin həddindən artıq depressiv olduğunu bildirərək müqaviləyə xitam verdi. Şirkət yalnız Eyzenşteynin Moskvaya qayıtması üçün lazım olan yol xərclərini ödədi.

Orson Uelles - “Don Kixot”

Gallery

Amerikalı "Don Kixot" da heç vaxt hazırlanmayan filmlər siyahısındadır. Amerika rejissoru Orson Uelles 1950-ci illərin ortalarından bir neçə dəfə "Don Kixot" filmini çəkməyə cəhd etdi. O, əsərdəki hadisələri müasir formaya uyğunlaşdıraraq təqdim etməyə çalışırdı. Uelles müsahibələrinin birində “Don Kixot” filmi haqqında deyirdi: Servantesin “Don Kixot” romanını ekranlaşdırmaq istəyirəm. Don Kixot mənim müasir dünyamda yaşayır. Mənə elə gəlir ki, bizim dövrün mənəvi həqiqətlərini dəyişdirə bilərəm. Çünki müasir dövr Don Kixotu məhv etməyə məcburdur.

Ancaq rejissor filmi bitirmək üçün kifayət qədər sərmayə tapa bilmədiyindən çəkilişlər yarımçıq qaldı. Filmin çəkilişləri Uellesin ölümündən sonra tamamlanaraq müxtəlif festivallarda nümayiş olundu.

Stenli Kubrik - "Napoleon"

Gallery

Dahi rejissor Stenli Kubrik də “Napoleon” haqqında bioqrafik film çəkmək arzusunu reallaşdıra bilmədi. O, Napoleonun şəxsiyyəti haqqında dərindən öyrəndi, tarixçilərlə xeyli söhbətlər etdi, araşdırmalar apardı. Kubrik "2001-ci il: Kosmik Odissey" filminin nümayişindən dərhal sonra nəzərdə tutduğu filmin hazırlıqlarına başlamışdı. Rejissor artıq filmdə hansı məşhur aktyorları da çəkəcəyini planlaşdırmışdı. Napoleon Bonapart roluna Oskar Vernerin, onun həyat yoldaşı roluna isə Odri Hepbern dəvət olunması planlaşdırıldı. Lakin “MGM Studiyası” film çəkilişlərinin baha başa gələcəyinin səbəb göstərərək layihədən imtina etdi.

2013-cü ildə Steven Spilberq bir müsahibəsində Kubrikin ideyasını həyata keçirmək və mini-serial hazırlamaq niyyətində olduğunu söylədi.

Bernardo Bertoluççi - "Qanlı Məhsul"

Gallery

1980-ci ildə Bernardo Bertoluççi Deşil Xemmetin "Məhsul" romanı əsasında bir film çəkmək niyyətində idi. Rejissor bu filmi çəkmək üçün xeyli səy göstərdi. Film üçün dərhal iki ssenari hazırlandı. Xemmett və Bertoluççinin komunist fikirləri oxşar idi. Lakin Amerika istehsalçıları bu filmin çəkilişlərinə pul vermədilər. Bu səbəbdən də ssenarilər italyan rejissorunun masasındakı siyirmələrdə qalıb.

news-inner-user

18685 məqalə

Oxşar xəbərlər

Xəbər lenti

Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021