news-inner
clock12:23 calendar-gray 23 Noyabr 2012 view-gray1892 dəfə oxunub
view-gray1892 dəfə oxunub

Şair öldü

Kələntər Kələntərli də haqqa qovuşdu...

O, qədim kişi idi. Səməd Vurğunla araq içmişdi, Mehdi Hüseynlə dostluq etmişdi. Haqsız yerə tutulub uzun illər zindanda yatmışdı.

Azərbaycan radiosunda çalışırdı, neçə-neçə kitabı çıxmışdı. Amma bu şairin heç yerdə qeydiyyatı yox idi.

Yadıma gəlir, Mübariz Məsimoğlu ilə Vaqif Nəsib onu Bakıda harasa qeydiyyata salmaq üçün Pasport Qeydiyyat İdarəsinə nə qədər ayaq döydülər...

O, canlı tarix idi, onun sinəsində son 70 ildə Azərbaycan ədəbiyyatından gəlib keçmiş qələm adamlarının həyat hekayətləri yatırdı. Onun yaddaşı unikal hadisələrlə zəngin idi. Süleyman Rüstəm, Səməd Vurğun, Mehdi Hüseyn, Süleyman Rəhimov, Əli Kərim, Rəsul Rza və daha kimlər, kimlər haqqında o qədər xatirələri vardı ki! Bəzilərini qələmə almışdı.

Kələntər müəllimlə tez-tez görüşürdük. Bir ara bir-birimizə çox isinişmişdik, “Monolit” dövründə az qala hər gün onunla oturub araq içirdik. Onun menyusu dəyişməz idi: iki blinçik, bir “Fanta”, 250 qramlıq araq. Arağı həmişə “Fanta” ilə qarışdırıb içirdi. Mənə həmişə “covan jurnalist” deyərdi, onun bu ifadəsindən xoşum gəlirdi...

Həmişə “İstiqlal” küçəsində, Vahid Poeziya evində rastlaşanda kefini soruşurdum, baş barmağını qaldırıb “dəf kimi!” deyirdi. Çox səliqəli geyinirdi, ruhən çox cavan idi, gözəl xanımlara qarşı heç vaxt biganə qalmırdı, onlara kompliment deməyi xoşlayırdı.

Özü də tərif xoşlayan adam idi. Ömrünün ahıl çağında da cavanlıq eşqi onu tərk etməmişdi.

Hardasa iki-üç il olardı ki, Kələntər müəllimi görmürdüm. Bir-iki dəfə telefonla danışmışdıq, vəssalam. Sonra Mübariz müəllimdən soruşdum, dedi Kələntər müəllim bir az nasazlayıb, xəstədir.

İndi də bu qəfil ölüm xəbəri... Telefonumun yaddaşında dünyadan getmiş neçə dostun nömrəsi qalır. Mənə elə gəlir ki, o nömrələri silsəm, o adamları həmişəlik itirəcəyəm. Buna görə telefona nifrət edirəm. Kiminsə nömrəsini axtaranda qəfildən o nömrələr də ekranda görünür və mən əlimi “yes” düyməsinə basmaqdan güclə saxlayıram... Mən onları telefonumda diri saxlayıram... Bu, mənim üçün ən böyük təsəlllidir.

Telefonumdakı nömrələrdən biri də əbədi olaraq “dondu”. Daha heç vaxt bu nömrəyə - qoca dostuma zəng etməyəcəyəm...

Ruhu şad olsun!

news-inner-user
Kənan Hacı

193 məqalə

Oxşar xəbərlər

Xəbər lenti

İşini, gücünü atıb kimsə sevməlidir məni - Cəlil Cavanşirin şeirləri
17:00 08 Avqust 2020
Əliağa Vahidin 125 illiyi münasibətilə poçt markası buraxılıb
16:05 08 Avqust 2020
Biz iki nəfər öldük
15:00 08 Avqust 2020
Səngərdə Vaqifin şeirlərini oxudu, məşhur filmə onun əvəzinə erməni aktyoru çəkdilər - Kinomuzun Cahandar ağası haqda maraqlı faktlar
14:00 08 Avqust 2020
Səkkizinci ayın səkkizi - Mahir N. Qarayev yazır
12:31 08 Avqust 2020
Məşhur aktrisa kinodan getmə səbəbini açıqladı
11:20 08 Avqust 2020
“Eurovision” mahnı müsabiqəsinin Amerika versiyası yaradılacaq
10:13 08 Avqust 2020
Rüstəmbəyovun alınmayan filmi – Sevda Sultanova “Dağlarda döyüş”ü tənqid edir.
09:00 08 Avqust 2020
Azərbaycanın məşhur folklor qrupu beynəlxalq festivalda iştirak edəcək
18:50 07 Avqust 2020
Çingiz Aytmatov fenomeni və Azərbaycan" monoqrafiyası çap olundu
18:04 07 Avqust 2020
Azərbaycanlı yazardan yeni kitab
17:36 07 Avqust 2020
Polad Həşimovun üzünə necə baxacağıq?
17:06 07 Avqust 2020
Məşhur müğənni uyğur türklərinə görə Çinə belə etiraz etdi
16:05 07 Avqust 2020
Kölgəmi ayrı basdırın, sevəcəyim qız çiynində... - Tural Turanın şeirləri
15:02 07 Avqust 2020
Məşhur müğənni vəfat etdi
14:11 07 Avqust 2020
Hər konsert ərəfəsində əri tərəfindən döyülən, 17 yaşlı oğlunu itirən əməkdar artist – Bağırov ona bayquş demişdi
13:09 07 Avqust 2020
Süleyman Qanuni, Hürrəm Sultan, Mona Liza, Sezar indi yaşasaydılar, belə olardılar - Maraqlı layihə
12:23 07 Avqust 2020
Toyu karantinə düşənlər üçün fürsət
11:32 07 Avqust 2020
"Kapitan Marvel 2"nin rejissoru bəlli oldu
10:43 07 Avqust 2020
Azərbaycanda tarixi abidəyə müdaxilə edən şəxslər saxlanıldı
10:10 07 Avqust 2020