news-inner
clock08:15 calendar-gray 20 Noyabr 2012 view-gray2974 dəfə oxunub
view-gray2974 dəfə oxunub

Öpüşmək gözəldi

Çox az kitab olar ki, o kitab sənin yol yoldaşına, masaüstü kitabına çevrilər, onu vərəqləməkdən, nişanladığın cümlələri təkrar-təkrar oxumaqdan yorulmazsan, uzun müddət o kitabın havası səni tərk etməz...

Qan Turalının yenicə çapdan çıxmış “Polis qorxusuyla öpüşmək” kitabına daxil olan esselərin əksəriyyəti əslində mənə tanışdır. Amma onları bir daha kitab səhifələrindən ləzzətlə oxudum, o zövqü yenidən yaşadım.

Bu kitaba daxil olan esselər Qan Turalının sürətlə keçən zamanın cəngindən xilas etdiyi yazılardır. Dostum külçə halındakı bu yazıları sanki qızıl suyuna çəkib oxucuların ixtiyarına verdi. Mən bu kitabı uzun bir şeir kimi oxudum, sonuncu cümləni oxuyub bitirməyənə qədər kitabı əlimdən yerə qoymadım. Burdakı mətnlər təkcə ədəbi-fəlsəfi deyil, həm də poetik enerji daşıyır.

“Polis qorxusuyla öpüşmək” həm də bir yoldur. Bu yola çıxırsan və bir də ayılırsan ki, həmin yol səni gətirib öz içinə çıxarıb. Kitab səni neçə dəfə o yolla aparıb gətirir. Müəllifdən başlanan yol sənin öz içində bitir. Çünki yazar məhz sənin içini, daxili aləmini hədəf alıb.

Eşq tərəfsizdi, o sol və sağ bilməz. Mən heç bu kitabda hansısa təmayül axtarmaq həvəsində də deyiləm. Eşq birtərəfli yol kimidi, o yol ürəkdən keçir. Qan Turalının kitabı da ürəkdən keçən o incə, ağrılı, əzablı, acılı-şirinli, səfası da, cəfası da xoş olan yol haqqındadır.

Bu kitabda nakam sevgilərdən də danışılır. Nakam sevgiyə tuş olan insan silahsız əsgərə bənzəyir. Uğursuz sevgilər bizimlə həyat arasında keçilməz bir divar hörür. Hər səhər yeni ümidlərlə oyansaq da axşamlar tükənir, içimizdəki yaranı şərabla ovuduruq... “Polis qorxusuyla öpüşmək” çox yaxşı təsəllidir, hətta şərabdan da yaxşı dərmandır sevənlər üçün...

“Yorulmuş eşq-90-lar” essesi gəncliyi 90-cı illərin əvvəllərinə təsadüf edən yorğun insanlarda nostalji, həm də kədərli hisslər oyadır... Qan Turalı o dövrün mənzərəsini çox dəqiq təsvir edir. Yeniyetməliyi və gəncliyi o dövrə təsadüf edən bir adam kimi dostumla razılaşmaya bilmirəm. Həmin dövrdə doğurdan da “ən son yada düşən şey sevgiydi”. Sevgidən başqa insanlar hər şey haqda düşünürdü. Sevgi bu ölkədən qaçaq düşmüşdü.

Kim 90-cı illərin ictimai-siyasi, mədəni mühitini öyrənmək istəyirsə Qan Turalının bu essesini oxusun. Mən bu esseni oxuduqca həmin boz, yeknəsək günləri sanki yenidən yaşadım. Həyatımız büsbütün mənasızlıq içində keçirdi və ancaq xülyalarla yaşayırdıq. Sabahımız məchulluğa bürünmüşdü. Çətin idi, çox çətin...

Bu gün sevgimiz boldu. Bu kitab da sevginin bəhrəsidir.

Sevgi bol olanda “Polis qorxusuyla öpüşmək” də gözəldi...

news-inner-user
Kənan Hacı

193 məqalə

Oxşar xəbərlər

Xəbər lenti

Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021