news-inner
clock21:01 calendar-gray 17 Mart 2020 view-gray849 dəfə oxunub
view-gray849 dəfə oxunub

Qəbiristanlıqda gördüyüm qoca

Kulis.az Aləmdə Nəsibin "Yönün düşəndə bir də gəl" adlı yazısını təqdim edir.

Qəbiristanlıqları gəzməyi xoşlayıram. Bəzən tanıdığım, bildiyim birinin olmadığı qəbiristanlığa da yönüm düşür. Oralar təkcə ölülərini yad etmək üçün deyil, həm də ölümlü olduğunu xatırlamaq üçündür.

Yeni salınan qəbiristanlıqlar haqda bunu deyə bilməsəm də, çoxdan salınmış, hətta bəzi itib-batmaqda olan qəbir daşlarının olduğu yerlərdə fərqli enerji var. Sənə təkcə ölümlü olduğunu xatırlatmır, eyni zamanda dünya həyatının bir göz qırpımında keçdiyini şapalaq kimi üzünə vurur.

Anlayırsan ki...

Bu gün üstündə daş ucaldılmış insanlar da illər əvvəl buraya ayaq basıb. Səni, məni, kimi, kimisə ziyarətə gəlib. İndi isə illərdir burada yatır. Həyat isə heç nə olmamış kimi öz axarında davam edir. Belə gəlib-gedəni çox olub, olur, olacaq. Onlardan sonra biz gəlirik, bizdən sonra başqa onlar gələcək. Hamımız da öz ayaqlarımızla gəldiyimiz bu yerə bir gün cansız bədənimizlə, kimlərinsə çiynində təşrif buyuracağıq. Həyat budur: Biri gəlir, biri gedir. Torpaq isə hələ də doymaq bilmir. O qədər sakit bir duruşu var ki, doyacağına dair heç ehtimal yeri də qoymur. Onu qəbiristanlığın yanında dayanan, gələni-gedəni sakitcə seyr edən, dünyanın hər halını görmüş və çox şeydən xəbərdar qocaya bənzədirəm. Elə sakit, elə səbrlidir ki, istər ağlasınlar, istər çığırsınlar, üsyan etsinlər, fərq etmir. O, təmkinli duruşunu pozmur, işi-gücü gələnə gedənə sakitcə qapı açmaq, qarşılamaq və gedəndə də sükutunu pozmadan yola salmaqdır.

Deyirlər cahilin ağzı açıq olar, danışdıqca danışar, dil boğaza qoymur. Görünür, bu qocanı bildikləri, anladıqları və qəbullandıqları belə susqunlaşdırıb. Yoxsa gənc oğlunu itirmiş ananın fəryadı qarşısında təsəlli olacaq bir söz deməyə cəhd edərdi. O isə sakitcə əlindəki su ilə dolu stəkanı uzadır və “Allah rəhmət eləsin!” deyib yerinə keçir.

Bizim olan nə var axı?!

Doğrudan da qəribədir. İnsan ölümlü olduğunu, ölümlü birini doğduğunu bilir. Amma qəbullanmaqda əziyyət çəkir. Çünki özümüzü nəyinsə sahibi hesab edirik. Əslində isə nə aldığımız nəfəs, nə qırpdığımız kirpik bizimdir. Bədənimiz kimi sahib olduqlarımız: canlı və ya cansız hər nə varsa, hamısı bizə müvəqqəti əmanət edilib. Nə zaman geri istəniləcəyini bilə bilmərik. Ona görə də bizimmiş kimi könül salmaq, bağlanmaq yanlış yanaşmadır. İnsanın özü-özünü aldatması, nəfsinə uymasıdır. Gerçəklikdən, həqiqətdən qaçışıdır. Qaçış isə yaxşı bir şey deyil. İnsanın inkar etdikləri, qaçdıqları bir gün gözləmədiyi yerdə yaxasından yapışır və o anda nəfəsin kəsilə-kəsilə macal da tapmırsan ki, özünü müdafiə edəsən.

Və budur, sənin olmayan doğmaların kimi bir gün aldığın nəfəslə də vidalaşırsan. Hamı kimi sənin də son sığınacağın bu qara torpaq – hamıya qucaq açan təmkinli ana olur.

news-inner-user

17682 məqalə

Oxşar xəbərlər

Xəbər lenti

Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021