news-inner
clock09:00 calendar-gray 27 İyun 2019 view-gray1971 dəfə oxunub
view-gray1971 dəfə oxunub

Kənan M.M.-in növbəti klipvari filmi

Kulis.az “Yeni filmlərimiz” layihəsində “Qayıdış” filmini təqdim edir.

Süjet: Filmin qəhrəmanı Cavada (Kənan MM) Tbilisidə şər atılır. O törətmədiyi qətlə görə həbs olunur. Cavad uzun müddətli həbsini nəzərə alaraq, dostundan xahiş edir ki, Bakıya bütün qohumlarına ölməsi xəbərini yollasın. O həbsdən çıxandan sonra geri qayıdır. Arvadı Həcərin (Günəş Mehdizadə) ərə getdiyini öyrənir. Dostu ona Həcərin oğlunun Cavaddan olduğunu deyir. Cavad oğlunun getdiyi idman məktəbinə baş çəkir və burada onun atalığı Ariflə (Azər Aydəmir) tanış olur. Bankda işləyən Arifin maliyyə problemləri var və ondan, işlədiyi yerdən mühüm bir sənədi oğurlayaraq başqa şirkətə verilməsi tələb olunur. Arif razı olmadığından arvadı və oğlu qaçırılır. Və Cavad təkbaşına onları xilasetmə əməliyyatına başlayır…

Kənan MM-in rejissoru olduğu “Qayıdış” filmi 2016-cı ildə ekranlara çıxıb.

Bu, həmin filmdir ki, rejissor onun haqda deyirdi:

“Bu film 15 ildə çəkdiyim hər bir yaradıcı işimin üzərindən xətt çəkəcək. Əgər belə olmasa bütün tamaşaçılara söz verirəm, bir daha kamera qarşısına keçmərəm”.

Hərçənd, “Qayıdış” melodramı rejissor işi, mövzuya yanaşma baxımından müəllifin iddialarına adekvat deyil. Digər filmlərində olduğu kimi Kənan MM burda da məhz lirik mahnıların gücünün hesabına tamaşaçının hisslərinə təsir etməyə çalışır. Daha dəqiq desəm, seyrçinin duyğularını manipulyasiya etməyə cəhd göstərir. Mahnıların sayəsində meydana çıxan aşırı duyğusallıq vasitəsilə isə zəif dramaturgiya ört-basdır edilir.

Vikipediya məlumatlarına görə, əsərin müəllifi İlqar Fəhmidir. Və o, özü əsər əsasında ssenarini hazırlayıb. İlqar Fəhmi mütaliəli biridir, ola bilsin, ədəbi əsərləri də maraqlıdır. Amma fakt budur ki, izlədiyim qədərilə onun ssenariləri də, ona çəkilən filmlər də fiaskodur: “Axırıncı dayanacaq”, “Dərvişin qeydləri”, “Gecə qonağı”, həmçinin “Qayıdış”.

Əgər kütlə tərəfindən “yeyilmək” məqsədilə melodrama janrında film çəkilirsə, bu, heç də o demək deyil ki, həmin məhsulun bədii-estetik keyfiyyətləri aşağı olmalı, hər mənada zövqsüzlük baş alıb getməlidir.

Faciə ondadır ki, əhvalat boyu hamı ağlayır, zarıyır, kədərlənir (yenə xatırladım ki, musiqiylə əhvalatın təsir gücü artırılmağa çalışılıb), amma təklif olunan situasiyalarda, aktyor ifasında, filmin ümumi intonasiyasında emosional dərinlik nəzərə çarpmır, basmaqəlib fəndlər hər epizodda gözə girir.

Misalçün, Cavad oğlunun olması haqda xəbər tutanda, onu görəndə daxili gərginliyi, həyəcanı duyulmur. Rejissor qəhrəmanlarının daxilinə nüfuz etməkdən ötrü uyğun plan və rakurslar seçə bilmir. Ümumən əhvalatda hər şey tələsik, bir göz qırpımında baş verir. Cavadın atalıq duyğularını üzə çıxarmaqdan ötrü, Arifə işdə maneələr yaradaraq ailəsi oğurlanır ki, Cavad xilasedici rolunda çıxış etsin. Yaxud oğlunun başqasına ata deməsindən Cavadın təsirlənməsi və s. kimi vəziyyətlər dramaturji zəif və saxtadır. Başqa filmlərində olduğu kimi Kənanın vurub-yıxan, dikbaş manerası, guya ekstremal vəziyyətləri asanlıqla həll etməsi xüsusi qabardılır.

Final epizodlarından birində Arif Cavada sirr açaraq deyir ki, o, Həcərə toxunmayıb, evlənsələr də onların heç bir intim münasibəti olmayıb. Təbii ki, Cavad bundan yaxşı mənada təsirlənir. Ərinin qorxaqlığı üzündən tək qalan qadın, sonradan ailə qursa da, onun fiziki toxunulmazlığını filmdə dəyər kimi önə çıxarılması ilə rejissor çürük mental düşüncəni kinoya gətirir. Və təhtəlşüura arvadını aldadan bir kişiyə nə olursa-olsun qadının sadiqliyinin sakral olması fikri ötürülür. Üstəlik, Həcərlə əri arasında heç bir bağın olmaması fikrini möhkəmləndirməkdən ötrü zavallı Arifi sonsuz da çıxarırlar və xəstəlik damğası yapışdırırlar.

“Çexovun tüfəngi” dramaturji prinsipinə müəlliflər sadiq qalırlar. İlk səhnələrdə Cavad Həcərə silah hədiyyə edir. Son səhnədə o silah açılır. Həcərin Cavadı tanımadan öldürməsi təsvir nöqteyi-nəzərindən əsaslandırıla bilmir, səhnə klipvarı həll olunur.

Aktyor oyununda təkcə Azər Aydəmirin ifası diqqəti çəkir, o obrazının təyinatını doğru müəyyən edərək onun yaşantısını uyğun həllini tapır.

Günəş Mehdizadə maraqlı aktrisa olsa da, emosional vəziyyətlərin altından qalxa bilmir. Cavad rolunun ifaçısı Kənan MM isə bir epizodda (oğlunun başqasına ata deməsindən sarsılmasını ifadə edərkən) ümumiyyətlə özünü ağlamağa məcbur edir. Burda Stanislavskinin məşhur tənəsini eşidirəm: “İnanmıram!”

Halbuki film ekranlara çıxanda rejissor əmin idi:

"Qayıdış"da ağlamamaq mümkünsüzdür. Kənan M.M. kimi sizə söz verirəm. “Filmi izləməyə dəsmalsız gəlməyi unutmasınlar".

Titrlərdə isə yazılır: “Ağlamaqdan utanmayın”

Oxşar xəbərlər

Xəbər lenti

Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021