news-inner
clock16:30 calendar-gray 31 Yanvar 2018 view-gray4166 dəfə oxunub
view-gray4166 dəfə oxunub

Bakı fırladan şəhərdi - İlqar Fəhminin şeiri

Kulis.az İlqar Fəhminin şeirlərini təqdim edir.

Bakı elegiyası

(poemadan fraqment)

Bakı güldürən şəhərdi, Bakı ağladan şəhərdi,

Bakı sönməz atəşiylə sinə dağladan şəhərdi.

Bu tərəfdə göydələnlər, o tərəfdə boz uçuqlar,

Meşələr yerində sanki yerə sancılan buruqlar,

Ana torpağın döşündən qara süd içən cocuqlar,

Bakı ruh verən şəhərdi, Bakı can verən şəhərdi,

Bakı öz damarlarından qara qan verən şəhərdi.

O zamanədən də üstün, o zamanə təhkim olmaz,

O şərə, riyaya, məkrə, o yamanə təslim olmaz,

Onu sındıran tapılmaz, ona sahib heç kim olmaz,

Bakı üz verən şəhərdi. Bakı üz alan şəhərdi,

Bakı ən qıfıllı dildən belə söz alan şəhərdi.

Bura əsrlər boyunca çox olub gəlib-gedənlər,

İçinə nifaq salanlar, qara bağrını didənlər,

Görən anlayıbmı axır, ona qanlı qəsd edənlər,

Bakı səbr edən şəhərdi, Bakı çox dözən şəhərdi,

Fəqət, həddi hər kim aşsa, başını üzən şəhərdi.

O ürək sevindirəndi, sevənə ürək verəndi,

Ən ağır məqamda mərdə, igidə kürək verəndi,

Əl uzatsa dost, ya düşmən - hamıya çörək verəndi,

Bakı verdirən şəhərdi, Bakı aldıran şəhərdi,

Bakı çirkabın içindən göyə qaldıran şəhərdi.

Kiminə tikanlı qönçə, kiminə ətirli gülsə,

Kimə xoş xəyallı bir qəlb, kimə bir zərif könülsə,

Elə bilmə sadəlövhdür. Yeri var, məqamı gəlsə,

Bakı fırladan şəhərdi, Bakı oynadan şəhərdi,

Ölüsün göyə uçurdan, dirisin udan şəhərdi.

Sənə bəxtin üz çevirsə, naxışın gətirsə bir gün,

Yığıb əldə sərvətü-var, çox adamdan olsan üstün,

Demə, « Qismətim beləymiş, yazıya pozu nə mümkün?»

Bakı pozduran şəhərdi, Bakı sildirən şəhərdi,

Bakı gizli bir gülüşlə adam öldürən şəhərdi.

Bakı ilə oynamazlar. Bu sözü nə tez unutdun?

Elə bilmə ki, görən yox. Neçə dəfə zər də tutdun.

Fələyin qumar evində demə «bəlkə» bir gün uddun.

Bakı «bəlkə»siz şəhərdi, gözü kölgəsiz şəhərdi.

Bakı bu qədim oyunda, zəri nöqtəsiz şəhərdi.

Bir işi sığallıyandı, bir işi qulaq burandı.

Bir üzü ürək verəndi, bir üzü ürək vurandı,

Bir əli cırıb sökəndi, bir əli tikib qurandı,

O soyunduran şəhərdi, o geyindirən şəhərdi

Bakı atlının belinə, atı mindirən şəhərdi.

Gəzib aləmi dolaş sən, lap elə səmaya yüksəl,

Yeri, fəth elə cahanı. Əcəlin çatandasa gəl,

O qədər «Mənəm» deyəndən, qalıb adi cansız heykəl,

Bakı dəfn edən şəhərdi, Bakı basdıran şəhərdi,

Bakı öz ümidlərindən adam asdıran şəhərdi.

2018

Xəyyama bənzətmə

Dünya bu gün alver yeridir, hər kimə baxsaq,

Fəxr ilə deyirlər, elə aldıq, belə verdik.

Yeldən də bu gun pul çıxarır ağlı olanlar.

Biz şairik əfsus, nəyimiz var, yelə verdik.

news-inner-user

19991 məqalə

Oxşar xəbərlər

Xəbər lenti

Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021
Seviş mənimlə, gecədir! – Məlihə Əzizpurun şeirləri
17:30 21 Sentyabr 2021
Ailə dəyərləri, qadın azadlığı və fahişəlik
16:44 21 Sentyabr 2021
Bizi zibilə salanlar - Sevda Sultanova yazır...
15:50 21 Sentyabr 2021
Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021