news-inner
clock16:32 calendar-gray 16 Oktyabr 2017 view-gray358 dəfə oxunub
view-gray358 dəfə oxunub

Qaranlıq evin işıq pulu... – Təbrizli yazardan HEKAYƏ

Kulis.az təbrizli yazar Ümid Nəccarinin “Bircə mən islanırdım” hekayəsini təqdim edir.

Dolu yağırdı.

Bir it dördyolda, piyada zolağından axsaya-axsaya keçirdi.

Amma küçələr, divarlar, dilənçilər, hətta o axsayan it belə islanmırdı.

“Yağış altında bircə mən islanırdım... Bircə mən!” – bu sözləri o deyirdi!

Darıxmaq dağ başında duran əsgərin telefon arzusuydu, darıxmaq həmin “niyə yoxsan” sözüydü!

Sıra bizə çatanda, çətirlər açılmadı!

Sıra bizə çatanda “Sevgi” teatrında biletlər qurtardı!

Biz divarın bu tərəfindəydik... Yağışlı tərəfində!

Bu şəhərdə işsizliyimiz belə vecimizə deyildi, əllərimizi ciblərimizdə boğurduq!

Xoşbəxtlik Gənclik küçəsində bağlı bir mağazaydı, qapısı qıfıllı.

Müştərisizlikdən pəncərələrini toz basmışdı.

Mən isə qaranlıq evdə oturub işıq pulunu ödəməkdən yorulmuşdum.

Sən demə, gecələr ulduzlar da bizim evdən elektrik alıb yanırmış... – Bu sözləri o deyirdi!

Həyatımız Kərbəla yolu, acı bağırsaq kimi, acı... həm də uzun!

Günahımız isə bizdən neçə yaş böyük idi. Keçilməz olmuşdu.

Lap duz çörəyi ayaqlamış kimi, lap ananı ağlatmış kimi, ya da atanın üzünə ağ olmuş kimi!

Biz hələ də divarın bu tərəfindəydik... Yağışlı tərəfində! – başı çiynimdə, bu sözləri o deyirdi.

Biz yox ikən, ölüm payızda gəlmişdi. Ölümün ayaq izlərini görmüşəm deyib, and içirdi o.

Dünya bir palıd ağacıydı, baltalandı. Bu şəhərdə qapımız tapılmadı, biz kimsəsizlikdən öncə küçəsizlikdən yorulmuşduq.

Mənim əllərim, qollarım paltar sərmək üçün zivə ola bilərdi. Qollarım qoyun sürmək üçün bir dəyənək, ya da, bir qocanın qoltuğunda çəlik ola bilərdi. Mənim qollarım təkcə qol ola bilməzdi ki, kimsəni qucaqlaya bilsin!

Nə yazıq ki, özümüzü itirməyə davam edirdik. Hər gün bir parçamızı, hər gün bir tikəmizi salıb itirirdik və sonralar öz itirdiyimiz tikələrimizi küçələrdə yeridikcə görürdük.

Gündən-günə dilənçilərin ovucları qədər yaşlanırdıq!

Bilirsənmi? Biz od tutmayaq deyə, su içirik! – bu sözləri o deyirdi. Avtobusda yanımda oturan qızı deyirəm!

Biz divarın bu tərəfindəydik... Yağışlı tərəfində!

Yağış durmadan yağırdı, amma nə avtobus, nə oturacaqlar, nə küçələr, hətta dördyoldan axsayaraq keçən it belə islanmırdı.

Yalnız o qız islanırdı, bir də mən!

Nəhayət avtobusun son durağında hamı iyirmi qəpiyini ödəyib düşürdü.

Amma yalnız o qız enmədi, bir də mən!

Bütün bu sözləri deyən qız, qollarımda dünyasını dəyişdi.

O qızın axirət evi qollarım oldu.

O qız qollarımla birgə öldü!

news-inner-user

19967 məqalə

Oxşar xəbərlər

Xəbər lenti

"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021