writer1

Mirmehdi Ağaoğlu

Məqalə sayı

574
clock12:53 calendar-gray 19 Sentyabr 2011 view-gray724 dəfə oxunub
view-gray724 dəfə oxunub

Praqada saz sədaları

Elmin Həsənli küçə musiqiçilərindən silsilə materiallar hazırlayır.

Bir neçə ay əvvəl dünya səyahətinə çıxmış, “”Xəzər karvanı” adlı bir qrupdan yazmışdı.

Qrupun bir üzvü İngiltərə, o birilər Avstraliya, Danimarka və ABŞ-dan idilər.

Səyahətçilərin sayı dörd və iyirmi yaşlarında idilər.

Elminin budəfəki qonağı isə Ukraynadan olan 24 yaşlı Denis Feofontov idi.

O, “Sahil” metrosunun çıxışında skripkada ifa edir.

Portuqaliyadan tutmuş Cənubi Koreyaya kimi bir çox ölkədə olub.

Bu gənclərin amalı nədir?

Nə düşünürlər?

Nə qazanacaqlar bununla?

Aşağı-yuxarı bir “bomj” həyatı yaşamırlarmı?

Bu həyatmı, çılğınlıqmı?

Özümü onları onlarla müqayisə etməyə çalışıram.

Oktyabrda 30 yaşım olacaq.

Neftçalada dünyaya göz açmışam. Bakıda böyümüşəm.

Universiteti bitirənə qədər bir dəfə ikisaatlıq Cəlilabadda – qabaq orda böyük bazar vardı, Şamaxıda – yarımgünlük istirahət və Qubada olmuşam.

Əsgərliyimi də valideynlərimin səyilə bir hissəsini doğulduğum rayonda, qalanını Qusarda keçirmişəm.

Ondan sonra da qısa səfərlərlə Şirvan, Lənkəran, Sabirabad.

Bu yaxında isə ömrümdə ilk dəfə ölkənin qərbinə səyahət edib Şəkidə oldum.

Bir şerdə deyildiyi kimi, gecə getdim, gecə gəldim.

Vəssalam. 30 yaşımda mənim gəzdiyim yerlərin siyahısı bu.

Bizi guya vətənə layiqli övlad kimi böyüdürdülər.

Orta məktəbi məcburi oxutdurdular, oxudum.

Universiteti “oxu, adam ol” dedilər, yenə oxudum.

Daha sonra işsizlik.

Ondan sonra iş, iş, iş.....

Üzərimdə ailə vəzifəsi, valideyn borcu, sonsuz mükəlləfiyyətlər.

On səkkiz yaşımdan sonra neçə dəfə bu dişli çarxın arasından sıyrılıb çıxmaq, gəzərgi həyat yaşamaq istədim.

Olmadı. Bəlkə cəsarətim çatmadı. Bəlkə qorxaq oldum.

Universitet illərində dostlara “gəlin, yol çantamızı çiynimizə alaq, “avtostop”la Qazaxdan vurub Gürcüstanı, Türkiyəni dolaşaq”, - dedim. Həsləyənlər çox oldu, irəli atılanlar olmadı.

Hər gün mənimlə birgə işə gedib gələn tanış simaları görürəm. Bir-birimizə salam verməsək də hamımız tanışıq.

Fors-major hallar olmasa, pensiyaya çıxanadək hər gün qarşılaşacağıq.

Bu dəfə isə əksinə, atıb getməyin, sərsəriliyin, qorxaqlıq, cəsarətsizlik olduğunu düşünürəm.

Artıq o enerjim də yox.

30 da elə yaşdır ki, cavanlıq üçün çox qoca, qocalıq üçün çox cavansan.

O gənclərdən biri təhsilini yarımçıq qoyub Avstraliyadan, dünyanın o başından gəlmişdi.

Mən onun yaşında gündüzlər universitetə, axşamlar çayxanaya gedirdim.

Mənim kimisi minlərlə idi.

Dərsdən kənar söhbətlərdə başımızdan yekə danışmağa, böyük-böyük işlərdən dəm vurmağa, vətəndən, millətdən, valideynlər qarşısındakı borcdan, ailə müqəddəsliyindən, ailənin quruluşundan, sevgidən danışmağa pərgar idik.

Amma çoxumuz mühazirələrdə yuxulayırdıq.

Dərsdən qaçıb domino oynayırdıq.

Özümüzü böyük göstərməyə çalışırdıq. Simamıza ciddi görkəm verirdik. Deputata oxşayırdıq.

Düşünmürdük ki, sadəcə, yaşamaq deyə bir şey də var. Böyük düşünmədən, böyük işlər görmədən də yaşamaq.

Buna yad bir şəhər tinində saz dınqıldatmaq da daxildir.
REKLAM

Yazarın digər yazıları

Xəbər lenti

Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021
Filarmoniyada 20 Yanvar faciəsi qurbanlarının xatirəsi yad olunub
17:10 20 Yanvar 2021
Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021