news-inner
clock09:00 calendar-gray 25 İyul 2017 view-gray174 dəfə oxunub
view-gray174 dəfə oxunub

Kim görüb ki, mən sağam / vallah, yalan deyirlər – Mətləb Ağanın şeirləri

Kulis.az tanınmış şair Mətləb Ağanın şeirlərini təqdim edir.

Adımı söylə, çıx get

Gün çatmaz keçən günə,

hey çağır, hey soraqla.

bir şirin xəyal yarat,

bu acı ayrılıqla.

Yaş axır gözlərindən,

bəlkə o evdə indi.

mən orda olmasam da,

xatirələr sənindi.

Bu ötən saatlara

ömür - filan deyirlər.

kim görüb ki, mən sağam,

vallah, yalan deyirlər.

Məni yerlərə vurdun,

sən dur o göylə çıx get...

nə zaman qarşılaşsaq,

adımı söylə, çıx get...

***

Hansı ölkəydi, hansı?

bəs neçənci əsrdi?

orda - o köhnə yolla

bir uşaq tələsirdi...

fikrindən nə keçirdi,

nə tutmuşdu əlində?

nə vardı çiynindəki

o nimdaş zənbilində?

Tanrı hardaydı onda,

ya xeyirxah mələklər?

bilirdilərmi bir gün

Ona nə deyəcəklər?!

...sonra güldü qəfildən,

bütün ağrısı keçdi:

ovcundasa, soyumuş

qəlbini gizləmişdi

***

Nə xəbər var şəhərdə?

kim piyada, kim atlı

fevralın boz soyuğu

hələ ki, salamatdı...

hərdən sular kəsilir,

ya da işıqlar sönür...

yəqin, fikirləşirsən:

“yaxşı tərk etdim səni...”

yox, heç pis-filan deyil,

bu nisgilli təkliyim

cırıb atdım fotonu,

sərçələr dimdikləyir...

sonra qaranlıq çökür,

dayanmadan yağır qar

və eyni o əhvalat:

“Qoca Arxip... Lyonka...

***

Bu il də belə keçdi,

bir yaş da düşdük geri

yığmağa yer də yoxdur

dadsız xatirələri...

indi durub özünə

deməyə nə sözün var?!

hava da boz-bulanıq,

bizdən də duru kim var?!

hər qarışda dirənir

dekabrın şaxtası...

orda-bir soyuq evdə

yanır dörd sətir yazı:

“maraqsızdı, bilirəm,

bu bitir, o başlayır...

köhnə ssenaridə,

təzə kino başlayır...”

***

dəyişən heç nə yoxdu,

döngədə on qarış yer;

qaraqabaq fotoqraf,

köhnə foto atelye...

mənəmmi o fotoda;

hərdən məəttəl qalıram

adı nədi bu ömrün,

komediya, ya dram?..

indi o şəkillərin

üzünə baxmaq olmur...

vaxt da elə gödəlib,

durub darıxmaq olmur...

”nədi orda qaralan,

bayaqdan təkdi orda

yol üstündə qalmasın;

götür o şəkli ordan...”

***

...İslandı bütün şəhər,

böyükdən kiçiyəcən...

...bir ağacın dibində

büzüşmüş küçüyəcən...

...köhnə tramvayların

susduğu parka kimi...

...ağ kağız qayıqların

üzdüyü arxa kimi...

...ən hündür binayacan,

lap uzaq küçəyəcən...

...deyindi qonşu qarı

sabahdan gecəyəcən...

...sonra qəfil də kəsdi,

kiridi qonşu qarı...

...bir uşaq hönkür-hönkür

ağladı qayıqları...

***

...və bu sentyabr da

köçünü yığışdırır,

yenə bir külək düşüb

küçəni yığışdırır.

...parçalanıb ortadan

albomunda bir şəkil.

daha gecdi soruşmaq

“nədi ürəyindəki?”

bundan sonra dirisən,

ölüsən, eyni şeydi.

ya Janna Dark ol indi

ya Süsən, eyni şeydi.

durub fikirləşirsən:

“bir oyundu... kim kimi”

- pəncərəndə boylanıb

bölünmüş şəkil kimi...

***

...sonra payız da keçdi,

fevral-filan da sonra.

gözdən düşdü fəsillər

elə bir anda sonra.

və bir stansiyaydı

qatar, filan da vardı.

üstəlik qarşılayan,

yola salan da vardı.

perrondaydın, vaqonda?

daha fərqi də yoxdu.

şəkil doluydu hər yer,

bir o, sərgidə yoxdu.

qəribəydi olanlar

həm də bir az bayağı.

baxıb gülümsəyirdin

Mono Liza sayağı...

news-inner-user

16068 məqalə

Oxşar xəbərlər

Xəbər lenti

Türklər Nəsimi və Füzulinin həyatından film çəkir
18:12 06 Avqust 2020
Bizimki kimi özgələrin kefinə əsir olan heç bir dil yoxdur - Çağdaş türkcəmizə görə borclu olduğumuz esse
17:08 06 Avqust 2020
Qremmi mükafatçısı həbs olundu
16:41 06 Avqust 2020
Azərbaycanlı gənclərin Gürcüstanda yaratdığı teatrın açılışı oldu
15:57 06 Avqust 2020
Həsrətin gizli öpüşlərində güzgüləndi - Şeir
15:02 06 Avqust 2020
Məşhur musiqiçi Trampı məhkəməyə verdi
14:21 06 Avqust 2020
Türkiyədə nazir olan, övladına Atatürkün adını qoyan, ömürlük həbs cəzasına məhkum edilən azərbaycanlı yazıçı – Maraqlı faktlar
13:32 06 Avqust 2020
Vladimr Sorokindən yeni kitab
12:44 06 Avqust 2020
Çörək, dərman, kitab... - Operativ Qərargaha təklif
11:58 06 Avqust 2020
Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020