news-inner
clock17:24 calendar-gray 31 Yanvar 2017 view-gray226 dəfə oxunub
view-gray226 dəfə oxunub

Daha qaldımı öldürəcəyim biri?

Firudin Həmidli

Rast olmuşam, nə vaxtdır, bir yari-xəndan ilə,
Yaxıldı canım mənim ol çeşmi-fəttan ilə.

Nihan edir üzünü qəlbdə aşikar olan,
Dil daim müstəhzidir dideyi-giryan ilə.

Novbahar olmuş, fəqət bülbüllər dəyməz gözə,
Çün, müstəfi oldular nəğmeyi-canan ilə.

Həmd olsun bu sevdanı dildə məskun edənə!
Ruzu şəb şükr eylərəm naleyü-əfğan ilə...

Ünvani-eşqə yaddır, yar tanımaz beyti-qəm,
Sultani-mülki-zülmdür dəmbədəm fərman ilə.

Arzuman ki çiy idi, dərd içrə bişməkdədir,
Dəyişməz xoş dərdini həzaran dərman ilə...

Sonsuzluğa doğru

Eşit!
Bu mürgü səsidir gecənin,
Əsnəyir
Və bizi də əsnədir istəməsəm də.
Hər şeyi unutmaqçün uyuyaqmı?

Eşit!
Saat 12-ni vurdu!
Artıq bir avqust da bitdi...
Gələn avqustu nəsibmi görmək?
Məlum deyil.
Ümidmi edək,
Yoxsa hər şeyi unutmaqçün uyuyaqmı?

Eşit!
Dirilər tabutlarda aparılır!
Qərarsızam...
Daha qaldımı öldürəcəyim biri?
Əfsus, bir az yuxuluyam.
Gözlərimdən görürsən,
Bilirəm.
O zaman hər şeyi unutmaqçün uyuyaqmı?

Payız yaxınlaşır,
Xoşbəxt olmalıyam.
Əldə deyil...
Eşit körpə xəzəllərin səsini!
Bilirəm,
Daha sən də mənim kimi
Duymaz olmusan o səsi...
Əslində, mən hər gün
Payızı yaşayıram
İstəməsəm də.
Artıq sözə lüzum yox,
Hər şeyi unutmaqçün uyuyaqmı?

Eşit!
Bu mahnı da bitir!
Duyulur uzaqlardan bir gülüşün əks-sədası.
Dözə bilmək əldə deyil bunca yükə...
Çox yorğunam...
Artıq uyumaq fərz oldu!...

Üfüq

Bizə yalan dedilər.
İnanmaqdan başqa yolumuz...
Vardı.
Amma inandıq.
Hər zaman özgənimsədik evlərimizi.
Başqa uşaqlara yemək bişirdi
Analarımız.

Əməliyyat masasına yatdıq
Neçə dəfə...
Və qalxa bilmədik əksəriyyən.
Qatilimiz kim idi?
Həkimimiz kim idi?
Bizə yalan dedilər,
Unutduq...

Qaçaq bir gülüşümüzə
Polislər atladı.
Əlifbanın hərfləri,
Yetmədimi savunmamıza?
Savunmadıq,
Susduq,
Unutduq.

Və o qapının ardında olmaq istədik,
Zira, dünya kiçik idi,
Soyuq idi,
Yox idi.
Amma açılmadı o qapı.
Bizə yalan dedilər,
Unutdular.

Bizə yalan dedilər.
İnanmaqdan başqa yolumuz...
Vardı.
Günah bizdə oldu:
Ölümü bir dəfəlik zənn etdik...

Həsrət

Sən pəncərədə oturub
Ayaqlarını sallayırsan.
Quşlar keçir önündən.
Xoşbəxt olduğunu düşünürsən.
Xoşbəxt olduğunu düşünmək
Yarısıdır xoşbəxtliyin...
Fəqət unutma
Hər an ölə biləcəyini...

Əslində, gözəldir sənə həyat,
Gözəldir zamanın axışı,
Məmnunsan olduğun yerdən...
Eh, gəl, bir də mənə sor...

Sən, kim bilir, neçənci mərtəbənin
Pəncərəsindən ayaqlarını sallayırsan.
Mən hardayam?
Aşağıda - küçədə.
Küçədə ölüm yoxmu?
Əlbət ki, var.
Amma ölümüm nəyə zərər,
Nəyə yarar?...

Hələ isə yaşayırıq,
Yaşayırıq, ayrı olsaq da.
Sən ayaqlarını sallayırsan
Pəncərədə oturub,
Mənsə hər şeyi unutmuşam, sanki...

Daima düşün xoşbəxt olduğunu,
Daima gülməyə çalış.
Unutma,
Mən isə əks-sədan olacağam daima...

Çöküş

Üzülürəm, dostum,
Bu aralar fərqinə vardım.
Əbəs imiş bu yaşamaq.
Biz ki göyərçinlərin çağırışına
Getmədik.
Onlar boğuldular göz yaşlarında...

Göz yumduq küçələrdə
Qaranlıqların zorla satılmasına,
Ruhların yonulmasına.
Dənizlərə inanmadıq.
Hər şey qarışıq görünür,
Amma sadə idi.
Ölümdən qorxduq,
Körpə ürəklərin təlaşlı vuruşundan,
Vurmayışından qorxmadıq...

Şeir yazdıq
Yağışlara, eşqlərə.
Gözümüz nədən görmədi pəncərədən o tərəfi?
Üfüqün ardına qaçmaq idi istəyimiz,
Üfüqün bu tərəfi xərabə ikən.
Əllərimiz vardı, gücümüz vardı,
Bir şeylər etmədik nədən?

Üzülürəm, dostum,
Bu aralar fərqinə vardım.
Əbəs imiş bu yaşamaq.
Hər şey qarışıq görünür,
Amma sadə idi.
Ölümdən qorxduq,
Körpə ürəklərin təlaşlı vuruşundan,
Vurmayışından qorxmadıq...

Yalanlara söykənən başlar yuxuya getdikcə
Biz dəmi uyduq bu murdar havaya?
Biz dəmi inandıq yoxsa?...

Ahı var ruhumuzda göyərçinlərin,
Çətin ki, üzü ağ çıxaq Haqq divanından...

news-inner-user
Kulis+

628 məqalə

Oxşar xəbərlər

Xəbər lenti

Umberto Eko nəyə nifrət edirdi? - Həyat hekayəti
21:01 19 Fevral 2020
“Xocalı-şəhid şəhər” rəsm müsabiqəsinin yekun sərgisi açılacaq
18:35 19 Fevral 2020
Bu seksual qadınlar sizə gülməli görünəcək - Fotolar
17:51 19 Fevral 2020
Türkiyəli “Robinzon”un filmi çəkildi
17:09 19 Fevral 2020
Bakıda İtaliya-Azərbaycan Beynəlxalq Film festivalı keçiriləcək
16:31 19 Fevral 2020
Qusarda turistlər üçün ingiliscə tamaşa nümayiş olunacaq
15:52 19 Fevral 2020
Tanınmış aktyor: "Miri Yusifdən də dəhşətli “bozbaş”lar var" - Müsahibə
15:08 19 Fevral 2020
Opera ulduzları Bakıda eyni səhnəni bölüşəcək
14:29 19 Fevral 2020
"Mövsüm sonu" filmi nümayiş olunacaq
13:45 19 Fevral 2020
Tanınmış bəstəkara vəzifə verildi
12:59 19 Fevral 2020
Macarıstanda Azərbaycan Kinosu Günləri keçirilir
12:42 19 Fevral 2020
Azər Paşa Nemətovun çökdürdüyü milli teatrımız
12:03 19 Fevral 2020
Senzura məşhur rejissorun filmini dayandırdı
11:30 19 Fevral 2020
Adam necə yazıçı olur? - Ayxan Ayvaz yazır
10:52 19 Fevral 2020
Gənc yazarımızın romanı həm Azərbaycanda, həm Fransada çap olunacaq
10:25 19 Fevral 2020
Aydın Kazımzadənin 80 illiyinə həsr olunmuş tədbir keçirildi
09:41 19 Fevral 2020
Peyğəmbərin dişi ağrıyan cəlladı - Aqşin Yeniseydən yeni hekayə
08:55 19 Fevral 2020
Qollarım üstündə bir qız ağlayır – Nəriman Həsənzadənin şeirləri
21:01 18 Fevral 2020
Görkəmli bəstəkar Vasif Adıgözəlovun yaşadığı evin qarşısında barelyefi açılıb
18:56 18 Fevral 2020
15 yaşlı aktrisa dünyasını dəyişdi
18:50 18 Fevral 2020