writer1

Elçin Hüseynbəyli

Məqalə sayı

66
clock13:02 calendar-gray 15 Sentyabr 2016 view-gray303 dəfə oxunub
view-gray303 dəfə oxunub

Ceyran qatili

Fikriniz ora-bura getməsin. Söhbət əsl ceyrandan gedir...

- Mənim babam yaxşı ovçu olub, maraqlı xatirələri var. Gedək kəndə.

Səhərin ab-havasından, darıxdırıcılığından gileylənəndə belə dedi.

Onun bu təklifində başqa məqsədi də vardı. Məni tovlayıb kəndlərinə aparmaq üçün söbətinə şirinlik qatırdı.

- Ovu sevmirəm, balıq başqa məsələ.

- Babamı danışdıra bilsən, sənə bir qışlıq material verəcək... Balıq da tutarıq. O günü Mübüş (qardaşı Mübarizi nəzərdə tuturdu) zəng eləmişdi, dedi ki, yekə çəki balıqları var.

- Gedək, - dedim və getdik.

Kəndləri adi kəndlərdən seçilmir. Girəcəkdə tanış təzək iyi, təzə biçilmiş otun qoxusu adamı qarşılayır, bir də çoxdan üzünü görmədiyin həmkəndlilər. Xoş-beş, on beşdən sonra onlardan aralaşırsan ki, birdən ya qonaq apararlar, ya da qonaq gələrlər.

Həyətləri xudmanidir, balaca çarhovuzları da var. Payiza doğru gedirik. Hələ çöldə oturub samovar çayı içən vaxtlardı.

Səhəri gün balığa getdik, ovumuz pis olmadı. Həmin axşam haqqında eşitdiyim əfsanəvi baba gəldi. “Uzunboğaz dəri çəkmə ayağında, qulqalı papaq başında (sentyabrın ortasıdır ha...), prima siqaret damağında. Öskürəndə bir neçə dəqiqə söhbətinə fasilə verənlərdəndir.

Baba ordan-burdan danışdı, amma ov barədə bir kəlmə də...

- Baba, ovdan danış, ceyranları vurmağından...

Düzü, mən ceyranı dərsliklərdə və televizorda görmüşdüm. Bilirdim ki, gözəl varlıqdılar, ona güllə atmağa heç kimin əli gəlməz, bircə qansız ovçulardan başqa.

- Hə... Elə bu vədələr idi, - deyə baba nazını yerə qoyub, siqaretini tüsdülədə-tüsdülədə söhbətinə başladı. Çıxmışdım yalın qaşına, gördüm ki, “Şam bulağ”ın başında keçiyə oxşar bir-iki heyvan var. Biz tərəflərdə keçi hardadı?..

Diqqətlə fikir verdim ki, bunlar ceyrandılar, hardansa azıb gəliblər. Əvvəlcə istədim ki, hamısını vuram, amma yaxınlaşanda gördüm ki, bunlardan biri anadır, deməli balası var, özü də hardasa bu yaxınlıqdadır.

- Yazığın gəldi, heyləmi? - deyə dostum babasının ağzın aramaq istədi, amma fikir verdim ki, onun bu sualında bir dolaq işarəsi var.

- Onu deyirəm dana, düşdüm bunların dalına. Get, get, ha get, get ha get, gəlib çatdıq yerinə. Sən demə ceyranlar balalarını kolluğqda gizlədiblər. Saydım: düz on bir dənəydi. Hamısın verdim güllənin ağzına. Birinci ana ceyranı vurdum ki, balalarını öldürdüyümü görməsin (İnsafa bax e!). Həm də ağlayırdı, ona görə!

Bu yerdə məni heyrət götürdü, dostum isə gülməkdən qəşş edir.

- Hamısını niyə vurdun ki, biri bəsidi də, - deyə hövsələsizlik elədim.

- Sən nə danışırsan!? Elə bilirsən o birilərini sağ qoyacaqdılar, ya özümüzünkülər vuracaqdı, ya da qurd-quşa yem olacaqdılar.

- Heç olmasa, analarına dəyməzdin də, balaları yazıqdı...

- Bala qalmışdı ki, hamısın xosunbay eləmişdim.

Bu yerdə dostum həyasızcasına qəşş elədi və əli ilə mənə işarə elədi ki, danışmayım.

Baba isə şövqlə danışmaqda davam edirdi. Düzü onun nə dediklərini eşitmirdim, fikrim ceyranların yanındaydı, ana ceyranın ağlar, iri gözlərindəydi.

- Odu-budu bir də buralarda ceyran görmədim. Demək olar ki, onların kökünü özüm kəsdim.

Baba söhbətini burda qurtardı və bir-iki ağız da öskürüb, durub getdi...

- Sənin baban əsl ceyran qatiliymiş ki, - deyə dostuma heyrətimi bildirdim.

Dostum gülə-gülə:

- Elə bilirsən düz deyir, gopçunun biridi.

Düzü, bilmədim babanın gopuna sevinim, yoxsa kədərlənim... İstədim soruşam ki, ana ceyranın gözləri onun yuxusuna girirmi? Amma soruşmadım...

REKLAM

Yazarın digər yazıları

Xəbər lenti

Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021
Özü torpağın altında, saatı cibimdə... - Orxan Cuvarlı yazır
10:09 30 İyul 2021
Tural Abbaslının hay-küyü, Aysel Əlizadənin kukla eksperimenti - “Elin sözü” düzdürmü?
09:01 30 İyul 2021
Ən gözəl sevgilərlə xərçəng belə sağalar - Bahar Zamanının şeirləri
21:00 29 İyul 2021
Kino Günü açıq havada qeyd olunacaq
18:06 29 İyul 2021
Müəllifi kim öldürüb? - Qismət yazır...
17:20 29 İyul 2021
Azərbaycan almanlarından bəhs edən kitab çıxdı
16:51 29 İyul 2021
Dünya şöhrətli musiqiçi vəfat etdi
16:07 29 İyul 2021