writer1

İlqar Rəsul

Məqalə sayı

110
clock12:25 calendar-gray 15 Avqust 2011 view-gray704 dəfə oxunub
view-gray704 dəfə oxunub

1 manata Müşfiq

İllər əvvəl hardasa oxumuşdum ki, insan öləndən sonra onun haqqında bu dünyada necə danışılsa, o dünyadakı həyatı ona uyğun olur. Yəni yaxşı danışılsa, yaxşı, pis danışılsa, pis. Bu nəticəyə gələn elmi tədqiqatdan danışanlar misal olaraq Stalini, Hitleri qeyd edib əməllərinin indiyədək onlardan əl çəkmədiyini də bildirmişdilər. Barələrində danışılır axı...

...Hər gün metronun “20 yanvar” stansiyasının yaxınlığında, düz 20 yanvar şəhidlərinə qoyulmuş abidənin qarşısında səhərdən axşamadək müxtəlif avazlarda “Müşfiq” deyə qışqırtılar eşidilir: “Müşfiq”, “Müşfiq”, “Bacı, Müşfiqə gedirsən?”, “Qardaş Müşfiqə 1 nəfərim qaldı”... və mühərrik səsi....

Düzdü bu pərakəndə xorun ifaçıları “Müşfiq” deyib mələşəndə böyük şairin o dunyasını deyil, özlərinin bu dünyasını düşünürlər. Yəni “Adamın biri 1 manat”. Amma nə olsun, ya zəlzələdən, ya vəlvələdən, şairin ki adı səhərdən axşamacan dillərdən düşmür...

Hər dəfə də hərəsi bir manatlıq adamları sürətlə Müşfiqə aparan “07” nin maqnitafonunda biri bir ceyranlıq meyxanaçılar yavaş-yavaş Nabrana gedirlər...

Hərdən o bir manatlıqların biri də mən oluram. Yol boyu düşünürəm ki, görəsən bu “Müşfiq” çığırtıları şairin o dünyadakı dolanışığına necə təsir edir?

Əgər pis təsir edirsə, day bunun harası “O bağ olaydı”… Bu dünyada Sovetlər İttifaqı ömrünü qara eləsin, o dünya da xalturşiklər birliyi….

…Qəsəbəyə daxil olub bir qədər gedəndən sonra şairin, İranda çiyinlərinə qədər torpağa basdırıb daş-qalaq edilməsini gözləyən cinayətkarı xatırladan büstünün yanından keçirəm (büstü kimi, parkı da it günündədir). Lifti işləməyən binalar, malı çölə tökülən dükanlar, zibili dizə çıxan məhəllələr bir birinin ardınca arxada qalır…

Evə qalxmazdan əvvəl aşağıdakı kafenin həyətində oturub pivə içirəm. İçirəm və düşünürəm ki, əslində bu üfunətli qəsəbəni Müşfiqin adı ilə şərəfləndirilənlərin məqsədi heç də pis olmayıb. Di gəl nəticəyə bax. “20 yanvar”da gecə saat 11-i keçəndə sürücü deyir, “1 nəfər də tapsaydım çıxıb gedərdim o xarabaya ”, piyada deyir “xarabanın özü kimi avtobusu da basdırıq olur” və sairə…

Amma məncə hətta ən müqəddəs sayılan bir niyyəti də həyata keçirtməzdən əvvəl ilk növbədə onun xeyiri yox, mümkün fəsadları barədə düşünmək lazımdır....

Nə isə, indi olan olub, keçən keçməsə də…

Əgər səlahiyyət sahibləri o qəsəbənin sakinlərini adam hesab etmirlərsə, olsun. Kimin nəyinə lazımdır orada normal insani şərait yaratmaq. Nə bilirsən qaydaya salınsa, o camaat oranın qayğısına qalacaq ya yox. Guya lifti kim xarab edir ki?

Amma yenə də, orada yaşayanlar da insandılar. Əgər xeyli müddətdir haqqınnda danışılan metronu ora aparıb çıxartmaq, oranı abadlaşdırıb bu dünyada bir qəsəbə adamı xilas etmək mümkün deyilsə, barı o dünyada bir şairi xilas edək…

Götürək Müşfiqin adını o qəsəbədən…

Hitlerdən, Stalindən birinin adını verək ora, qoy xalturşiklər də səhərdən axşamacan savaba batsınlar: Məsələn “Stalinə 1 nəfər”. Yaxud “Bacı Hitlerə gedirsən?”… Vəssalam…

(Hər üfüqdə bir həvəs, hər bucaqda bir umud,
İnsanlar daha mə’sud - M.Müşfiq)
REKLAM

Yazarın digər yazıları

Xəbər lenti

Kamal Abdullaya hücum edən herostratlar - Niyazi Mehdi yazır...
13:30 20 Aprel 2021
Tağıyev haqda film Britaniyada yer tutdu
12:47 20 Aprel 2021
Hər kəsin ürəyinə dağ çəkən həkim: Müəmmalı ölümündən iki saat əvvəl canlı yayımda idi...
12:01 20 Aprel 2021
İstərdim məni şillələsin...
11:20 20 Aprel 2021
Taksi sürücüsünün telefonunda mənə göstərdiyi şəkil – Günel yazır...
10:39 20 Aprel 2021
Sosial ağrıya çevrilən ölüm - İradə Musayeva yazır
10:01 20 Aprel 2021
Tanınmış musiqiçi vəfat etdi
09:35 20 Aprel 2021
Əli Əmirlidən yeni hekayə: Mələk əmi
09:00 20 Aprel 2021
Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur Baycan
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021