Britaniyalı yazıçı Çayna Mevil 2026-cı ilin “Goldsmiths” mükafatının qalibi olub. Müəllif bu uğura 1200 səhifəni aşan, müasir ədəbiyyatın ən qeyri-adi romanlarından sayılan “The Rouse” əsəri ilə imza atıb.
Kulis.az xəbər verir ki, 10 min funt sterlinq məbləğində mükafat qazanan roman yazıçının təxminən 20 il ərzində üzərində işlədiyi layihədir.
Əsər XX əsrin qanlı siyasi tarixini, müstəmləkəçilik irsini, Soyuq müharibə dövrünü, mistik hadisələri və ailə dramını bir yerə toplayır.
Romanda hadisələr 1973-cü ilin Londonunda başlayır. Maur adlı qadın hərbi kazarmada oğlunun müəmmalı ölümünü araşdırmağa çalışır. Araşdırma dərinləşdikcə Britaniya dövlətinin fövqəltəbii hadisələrə marağı və gizli fəaliyyətləri ilə bağlı sirlər üzə çıxır. Beləliklə, adi bir ailə faciəsi siyasi tarix, paranormal hadisələr və insan psixologiyasının qaranlıq tərəflərini birləşdirən böyük ədəbi macəraya çevrilir.
Münsiflər əsəri tarixi materialla cəsarətli davranışına, dil eksperimentlərinə və roman janrının sərhədlərini genişləndirməsinə görə yüksək qiymətləndiriblər. Mükafatın tarixində indiyədək heç bir qalib roman “The Rouse” qədər həcmli olmayıb. Mevil özü isə əsəri həyatının ən mühüm yaradıcılıq işi adlandırıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər