news-inner
clock11:06 calendar-gray 09 İyun 2015 view-gray186 dəfə oxunub
view-gray186 dəfə oxunub

Vudi Allen: “Tatuirovka etsəydim o yerimə “Ana” yazdırardım”

Kulis dünya şöhrətli rejissor Vudi Allendən sitatları təqdim edir.

Aktyorlar yalnız daha cazibədar layihələrində fasilə yarananda mənimlə işləyirlər. Mən film üçün durub bir aktyora zəng edəndə məlum olur ki, ona o günlərdə ya Stiven Spilberq, ya da Martin Skorseze zəng edib, ona görə mənimlə işləyə bilməzlər. Yalnız onlar o filmi təzəcə bitiriblərsə, on milyon dollarlarını alıblarsa və avqustadək bir işləri yoxdursa - mən də iyunda zəng vurmuşam –onda niyə də razılaşmasınlar?

Əgər tatuirovka etsəydim, əlbəttə o yerimə “Ana” yazdırardım.

Faciə ilə komediya arasında yeganə fərq odur ki, komediyada insanlar faciəni yola verə bilirlər. Əlbəttə, yumor bütün həyati məsələlərə cavab ola bilməz, amma o hardasa leykoplastır kimi işə yarayır. Bu da yarası açıq gəzməkdən daha yaxşıdır.

Bilirsiniz, mən eyni zamanda iki rolu oynaya bilərəm, olduqca orqanik aktyoram. İntellektual və əclaf.

Kino ilə məşğul olmağa başlayanda elə bilirdim, məni bir yığın gözəl şey gözləyir: şöhrət, pul, heyranlar... Amma bir-iki filmdən sonra gördüm ki, həyatım əvvəlki kimidir. Problemlərim də elə əvvəlkidir.

Qayğısızlıq, laqeydlik – mənə xas deyil. Mən indi də inadkar pessimistəm. İndi də adamları əclaflara və yazıqlara bölürəm.

Həmişə bütöv bir il məzuniyyət götürmək istəyirəm, amma vicdanım rahatlıq vermir. Çünki ətrafımda mənə növbəti film çəkmək üçün pul verən adamlar dayanıb boynunu bükür, nəticədə bu qənaətə gəlirəm; nə qədər ki, verirlər, almaq lazımdır.

Komediyada oynamaq üçün xüsusi, anadangəlmə bir qabiliyyət lazımdır, komiklər həmişə dramatik rollar oynaya bilirlər, məsələn Marlon Brando kimi ən yaxşı dramatik aktyoru götürək, onlara komediya asan deyil.

Mən öz işimi sevirəm, amma onu mənim əlimdən alsalar yenə də nə iləsə məmnuniyyətlə məşğul olardım. Məsələn teatrda oynayardım, evdə oturub yazardım, ya da böyük məmnuniyyətlə avaralıq edərdim. Səhər oyanardım, gəzərdim, kinoya və muzeyə gedərdim, arvadımla çənə vurardım, televizorda beysbola baxardım. Elə də pis deyil, hə?

Heç vaxt məni özgə filmlərdə oynamağa çağırmırlar. Qəribədir! İndi ki yaşlanmışam, adamlar gərək deyə: “Qoca komiklərdən kim qalıb ki? Uolter Mattau ölüb. Vudi Allen hələ sağdır”.

“Doqma” müəlliflərinin mövqeyi xoşuma gəlir. O həqiqətən spontan bir tərzdir (sadə, lakonik, sərt).. Prinsiplər yaxşıdır düzdür, amma adətən olduğu kimi burada da hər şey rejissorun təriflənən fərdi istedadına yüklənir. Əgər o yaxşı film edibsə, bu (yəni Doqma-A), əladır, film pis alınıbsa o, başqa pis filmlərdən heç nə ilə fərqlənmir.

Məncə, müasir kinoda mənim təsirimə düşən rejissor yoxdur. Hər yerdə gənclər Koppoladan, Skorsezedən və Oliver Stoundan təsirlənirlər. Bəs mən? Məndən təsirlənənləri heç görmədim...

news-inner-user
Aliyə

997 məqalə

Oxşar xəbərlər

Xəbər lenti

Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020