İlk tibbi yardım təhsili alan hər kəsin ürək masajı manikeni ilə əlaqəsi var. Bu manikenin qəribə və tükürpədici hekayəsini isə çoxları bilmir.

Dünyada istehsal olunmuş minlərlə ilk tibbi yardım manikeninin çoxunun üzü eynidir.

Üstəlik bu üz real bir insana, XIX əsrin sonlarında yaşamış parisli bir qıza aiddir.

Onun haqqında heç kimin məlumatı yoxdur. İnsanların yaddaşında qazınan isə manikenin üzündəki sirli təbəssümdür.

Orginal adı belədir: L'Inconnue de la Seine. Yəni “Senanın gizlini”.

Parisi iki yerə bölən Sena çayında tapılan cəsəd bu qıza aiddir. Adı da burdan gəlir.

Cəsədi morqa gətirirlər, üzündə heç bir deformasiya aşkar olunmur. Məhz bu səbəbdən intihar etdiyini düşünürlər.

Cildinin təmizliyinə görə 16 yaşında olacağını təxmin edirlər.

Morqdakı həkim bu sirli və gözəl sifətdən təsirlənir. Bal mumu ilə üzünün qəlibini götürür.

Sonra bu maskanın kopyaları yayılmağa başlayır və Parisdə bohem həyat yaşayanların arasında məşhurlaşır. Yazıçılara, şairlərə ilham verir. Alber Kamyu bu üzü Mono Lizanın təbəssümü ilə eyniləşdirir.

Bir oyuncaq istehsalçısı bu qəlibdən istifadə edərək ilk yardım heykəli düzəltmək istəyir. Sonra da bu gün bildiyimiz hekayə yazılmış olur. Yalnız bir üzdən minlərlə kopya istehsal edilir. Kim olduğu bilinməyən sirli təbəssüm sahibi. 16 yaşından böyük olmadığı düşünülən bir qızın üzü...

Qorxuludur. Elə deyilmi?

• Firəngiz Mütəllimovanın “Varlı qadın”la benefisi
• Fərdiyyətin boğulması... - Bir maskanın etirafı
• Xalq artisti Fidan Hacıyeva: Anamın evini də satıb opera məktəbi yaratdım - MÜSAHİBƏ