Səfəvilər dövrünə aid əlyazmalar və xalçalar digitallaşdırılaraq təqdim olunur.

APA-nın məlumatına görə, İsgəndəriyyə Kitabxanası və onun direktoru Dr. İsmail Serageldinin rəhbərliyi ilə Nizami Gəncəvi Beynəlxalq Mərkəzi və Qarabağ Fondu Səfəvilər dövrünə aid əlyazmaların və xalçaların araşdırılaraq toplanması və hazırda aid olduğu muzey və mərkəzlərin icazəsi ilə digitallaşdırılaraq mütəxəssislərə təqdim edilməsi layihəsini reallaşdırır.

Bu layihə çərçivəsində artıq Metropolitan Muzeyində mövcud olan Səfəvilər bölməsindəki əlyazmalar və xalçaların yüksək keyfiyyətdə digitallaşdırılması yekunlaşıb və həmin xalçaların Azərbaycan xalça ustaları tərəfindən eyni keyfiyyətlə toxunulmasını reallaşdırmaq planlaşdırılır. O cümlədən Şah İsmayıl Xətaiyə məxsus olan Divanın tam digitallaşdırılaraq ən yüksək keyfiyyətlə faksimil nüsxəsinin hazırlanması üzərində işlər aparılır. Bu əlyazma nüsxələri həm Qarabağ Fondu, həm də Nizami Gəncəvi Beynəlxalq Mərkəzinin kolleksiyasında müxtəlif sərgilərdə nümayiş etdiriləcək.

Artıq dekabrın 3-dən Nizami Gəncəvi Beynəlxalq Mərkəzi Qarabağ Fondu ilə birgə ABŞ-da Nizami Gəncəvinin 870 illik yubiley ili çərçivəsində silsiləvi sərgilər reallaşdırır. Bu layihələr Gəncə şəhər İcra Hakimiyyəti ilə Diasporla İş üzrə Dövlət Komitəsinin dəstəyi və İsgəndəriyyə Kitabxanasının dəstəyi ilə həyata keçirilir.

• Əgər biri səni sənin istədiyin kimi sevmirsə...- Sevgi haqqında aforizmlər
• Xruşov Stalinin qarşısında niyə diz çökmüşdü? - Əyləncə, cinayət və qisas
• "İradlarla razılaşmıram..." - Əli Novruzovun hekayəsi haqqında