Hollivudun əfsanəvi simalarından biri, "Oskar" mükafatlı 89 yaşlı aktyor Morqan Friman gözlənilməz bir addım ataraq blüz janrında albom təqdim edib.
Kulis.az xəbər verir ki, usta aktyor "Morgan Freeman's Symphonic Blues Experience" adlı 12 trekdən ibarət layihənin təşkilatçılığını da öhdəliyinə götürüb.
"Decca Records" studiyasında yazılan albom blüz musiqisinin 100 illik tarixini işıqlandırır.
Layihədə tanınmış musiqiçilər yer alıblar.
Morqan Friman bu musiqi ilə ilk dəfə Missisipi Deltasında, nənəsinin evində tanış olduğunu və bu səslərin onu heç vaxt tərk etmədiyini deyib.
Musiqi layihəsi ilə yanaşı kino fəaliyyətini də davam etdirən aktyor, Taylor Şeridanın müəllifi olduğu və Nikol Kidman, Zoi Saldana kimi ulduzların rol aldığı "Lioness" serialının üçüncü mövsümündə Edvin Mallins obrazı ilə yenidən tamaşaçıların qarşısına çıxıb.
Qeyd edək ki, Missisipidəki "Ground Zero" blüz klubunun ortaqlarından biri olan Friman bundan əvvəl də bəzi məşhur hip-hop albomlarında iştirak etmişdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər