İran İslam Respublikasının paytaxtı Tehranda keçirilən 26-cı Beynəlxalq Tehran Kitab Sərgisindən Türkiyəli yazıçılar Xalid Ziya Uşaqlıgilin “Aşkı-Memnu” və Əsli Sancarın “Hərəm” kitabları yığışdırılıb. "Habertürk" saytının verdiyi məlumatda belə deyilir.

İranın Mədəniyyət naziri Seyid Məhəmməd Hüseyni kitabların sərgidən yığışdırılmasına belə münasibət bildirib: “Sərgidə nümayiş olunan kitablarla bağlı yoxlama komissiyamız fəaliyyət göstərir. Çap icazəsi olmayan kitablar haqda qanuna müvafiq addımlar atılacaq. Əgər kitabın çapına icazəsi varsa, problem yoxdur”.

Sərginin komitə müdiri Məcid Həmidzadə isə yığışdırılan kitablara çap icazəsi verildiyini və nəşr olunduğunu söyləyib: “Kitabların sərgidə nümayiş olunması problem yaratmır”.

• Şuşada uşaqlar üçün festival keçiriləcək
• Çap elədiyi tapmacaya görə güllələnən dilçi - Onun qəbri əslində, haradadır?
• “UNİDESTİN” Tədris Mərkəzinin açılışı olub

Təxminən 5 il əvvəl İranda mənəvi-əxlaqi qaydaları pozduğuna görə başda “Gümüş” serialı olmaqla bir neçə Türkiyə serialının yayımı dayandırılmışdı. Yayımına qadağa qoyulmuş seriallar arasında sərgidən yığışdırılan kitablar əsasında çəkilmiş “Aşkı-Memnu” və “Hərəm” serialları da var.

• Şuşada uşaqlar üçün festival keçiriləcək
• Çap elədiyi tapmacaya görə güllələnən dilçi - Onun qəbri əslində, haradadır?
• “UNİDESTİN” Tədris Mərkəzinin açılışı olub