Gənc yazıçı Kamran Qasımovun "Zero" nəşriyyatında "Mirassız varislər" adlı tarixi mövzuda sənədli detektiv romanı dərc olunub. Kəskin süjetli romanda Səfəvi hökmdarı Şah Abbasın bu günlərə qədər qorunan sirrinin üzə çıxmasından, İranın xüsusi xidmət orqanlarının bu sirrin izi ilə Azərbaycana gəlməsi və baş verən qanlı olaylardan bəhs olunur...

Rəmzkar alim Əyyub Yusifov, İran dövlətini fakt qarşında qoyacaq və Nadir şahın hakimiyyət tarixinin iç üzünü faş edəcək sirri üzə çıxarmaq niyyətindədir.... Əyyub Yusifov Naxçıvana - Ordubadın Came məscidinə doğru yön alır. Amma niyə? İran xüsusi xidmət orqanlarının onu izləməklə məqsədi nədir?

Hər şey, tarixi hadisələrdə həmişə şou axtaran gənc tarixçi Kərim Xalıqovun səfərə gedərkən taksi maşınında yandırılmasından sonra başlanır...

Operativ şöbənin əməkdaşı Leylanın atası Yaqub kişi isə can üstədir. Atası ölüm ayağında ikən, qızına qeyri-adi işarələr cızır. Bundan sonra Leyla köhnə dostu, rəmzkar alim Əyyub Yusifovdan kömək diləyir. Məlum olur ki, Yaqub kişinin cızdıqları işarələr deyil, birbaşa rəmzlərdir və onlar I Şah Abbas Səfəviyə gedib çıxır.

Rəmzləri akademik Səfərbəyli ilə müzakirə edən Əyyub, İrana yola düşməyə hazırlaşır, lakin daha sonra vəziyyət dəyişir, nəzərlər qədim Ordubadda cəmlənir...

Və ən əsası – Mirassız Varislər, zamanın çarxını geri fırlada bilərlərmi?

Bazar günü "Zero" Kitab Evində (İstiqlaliyyət 71, Sabir Bağı ilə üzbəüz) saat 13:00-17:00 arası kitabın imza günü keçiriləcək.

• Direktor: "Azər Baxşəliyev özü orqan nəqlindən imtina etdi, bununla bağlı ərizə var"
• Elşən Zeynallı: “Bəzi teatr direktorları özlərini teatrın ağası kimi aparır” - Müsahibə
• Ayrılıq - Paşalı Eyvazın hekayəsi