İyulun 6-da Bakı şəhərində “Ləndmark”da görkəmli meksikalı rəssamlar Frida Kalo və Dieqo Riveranın həyatına həsr olunmuş “Dieqo və Frida. Yolun yarısında bir təbəssüm” adlı fotosərgi açılıb.

Meksikanın Azərbaycandakı səfirliyi tərəfindən təşkil edilən bu sərgidə 100-dək foto yer alıb. Tədbirdə Meksikanın Azərbaycandakı səfiri Rodrigo Labardini çıxış edərək sərginin əhəmiyyətindən danışıb. İki ölkə arasında mədəni əlaqələrin inkişafına toxunan səfir bu kimi tədbirlərin ikitərəfli münasibətlərin daha da inkişafı üçün zəmin yaradacağını qeyd edib.

Qeyd edək ki, Dieqo Rivera və Frida Kalo Meksikada incəsənət tarixinin ən çox müzakirə olunan cütlüklərindəndir. Onların parlaq şəxsiyyətləri dövrünün müasirlərində müxtəlif hisslər, heyranlıq oyadırdı.

• “Vəfa” tamaşasının premyerası oldu
• AKİ Oskar qazanmış filmin təqdimatını keçirib
• Buzovnada aşıq məclisi və ya “Tatar nəğməsi”nin qeyri-adi səyahəti - Məti Osmanoğlu

Evləndikləri 1929-cu ildən Fridanın dünyasını dəyişdiyi 1954-cü ilədək, təxminən 25 il ərzində birlikdə olan bu cütlüyün münasibətləri görüşlərin və ayrılıqların sonsuzluğu, sevgi və nifrət, bölüşmək və rəqabət üzərində qurulub. Bu “ittifaq” XX əsrin birinci yarısında Meksikada şəxsi münasibətlərin yeni səhifəsini açıb. azertag/az

• “Vəfa” tamaşasının premyerası oldu
• AKİ Oskar qazanmış filmin təqdimatını keçirib
• Buzovnada aşıq məclisi və ya “Tatar nəğməsi”nin qeyri-adi səyahəti - Məti Osmanoğlu