Kulis.az “Hekayə müzakirəsi” layihəsindən Malik Atilayın “Qeyri-ciddi tragediya” hekayəsi haqqında yazarların fikirlərini təqdim edir.

Rəvan Cavid:

• İsmayıl qurbanı əhvalatının müasir versiyası
• “Baba haqqı” beynəlxalq festivalda
• Özündən 17 yaş kiçik həmkarı ilə eşq yaşayan Xalq artisti kimdir?

"Eksperimental hekayədir. Yenidir. bəyəndiyim tərəfi o oldu ki, hadisələr nizamı yoxdu. Biz öyrəşmişik, sapa düzülmüş muncuq misalı hekayələr oxuyaq. Bu, xaosun yaratdığı təhkiyədir. Bəyənmədiyim tərəfi o oldu ki, müəllif hadisələri izləyə bilmir. Oxucunun izləyə bilməməsi, müəllifin buna imkan verməməsi üslub ola bilər, ancaq təhkiyəçinin özünün hadisələrə yuxarıdan baxa bilməməsi xətadır".

Rəqsanə Süleyman:

"Hekayənin əsas xətasını süni biçimdə işlənməyində gördüm. Bir yenilik, bir eksperiment və ya yazılanlara izahvermə xətrinə başlıqlar var. Diqqətçəkən yeganə tərəf isə mövzudur. Tamamlanmayan eskizlərdir".

Təvəkkül Boysunar:

"Hekayə mənə bir qədər qəliz və anlaşılmaz görsəndi. Amma maraqlı, kiçik detallar da var idi. Düşünürəm ki, nəsrdə faciəvi notlara çox meyl etmək bəzən uğurla nəticələnmir. Faciəvi notlar olanda da müəllif gərək bunu öz əsərində elə həll etsin ki, oxucu o faciəyə baxmayaraq, əsərdən zövq alsın, hadisənin ağırlığı ona mənfi təsir etməsin. Müəllifə uğur arzulayıram".

Orxan Həsəni:

"Malik Atilayın bu hekayəsindən heç nə başa düşmədim. Hekayə nə demək istəyir? Bir-birindən əlaqəsiz epizodlar hekayəni yaratmaq iqtidarında deyil. Bu, müəllifdən oxuduğum ikinci uğursuz hekayədir".

• İsmayıl qurbanı əhvalatının müasir versiyası
• “Baba haqqı” beynəlxalq festivalda
• Özündən 17 yaş kiçik həmkarı ilə eşq yaşayan Xalq artisti kimdir?