Müşfiqə aid olduğu bildirilən qalıqların müayinəsi davam edir

Müşfiqə aid olduğu bildirilən qalıqların müayinəsi davam edir
28 fevral 2019
# 13:33

Azərbaycanın görkəmli şairi Mikayıl Müşfiqə məxsus olduğu ehtimal edilən qalıqların genetik müayinələri davam etdirilir.

Bu barədə ONA-ya Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin baş direktoru Ədalət Həsənov məlumat verib. Ə. Həsənov bildirib ki, sümük qalıqları üzərində müayinələrin aparılması başa çatdıqdan sonra nəticələr M. Müşfiqin qohumlarından götürülmüş müayinələrin nəticələri ilə müqayisə ediləcək və yekun nəticəyə gəlinəcək.

Baş direktor genetik müayinələrin konkret nə vaxt başa çatacağı ilə bağlı fikir bildirməyib.

Qeyd edək ki, Azərbaycan poeziyasının inkişafında böyük rol oynamış, Stalin repressiyasının qurbanı olmuş və 1938-ci ildə güllələnmiş şair Mikayıl Müşfiqin qalıqlarının tapılması ilə bağlı kütləvi informasiya vasitələrində yayılan materiallar Azərbaycan Respublikasının Prezidenti İlham Əliyevin diqqətini cəlb edib. Prezident İlham Əliyev məsələnin araşdırılması üçün Milli Elmlər Akademiyası, Səhiyyə, Mədəniyyət nazirlikləri və digər əlaqədar qurumların nümayəndələrindən ibarət işçi qrupun yaradılması barədə göstəriş verib. Tapşırığa əsasən, Mikayıl Müşfiqə məxsus olduğu ehtimal edilən qalıqlar müvafiq qaydada DNK ekspertizasından keçirilir. Əgər qalıqların həqiqətən ona məxsus olduğu təsdiqini taparsa, şairin yenidən dəfn olunması ilə bağlı bütün zəruri tədbirlər görüləcək.

# 3136 dəfə oxunub

Oxşar xəbərlər

"Böyük razılaşma" filminin davamı çəkiləcək

"Böyük razılaşma" filminin davamı çəkiləcək

18:50 1 aprel 2025
Nigar Fərhadın verilişi bağlandı

Nigar Fərhadın verilişi bağlandı

18:24 1 aprel 2025
Sənədli filmin inkişafı və pitçinq - Layihə

Sənədli filmin inkişafı və pitçinq - Layihə

18:00 1 aprel 2025
"Yoldaş nazir, mən bilirəm kimə şikayət edəcəm..." - Aqil Abbas

"Yoldaş nazir, mən bilirəm kimə şikayət edəcəm..." - Aqil Abbas

17:30 1 aprel 2025
Məşhur reper ölməsin deyə bunu da etdilər

Məşhur reper ölməsin deyə bunu da etdilər

17:08 1 aprel 2025
"Məni o kanala dəvət etdilər və aldatdılar" – Oğuz Ayvaz

"Məni o kanala dəvət etdilər və aldatdılar" – Oğuz Ayvaz

17:00 1 aprel 2025
#
#
# # #