Bakı Prosesi xalqlar arasında qarşılıqlı anlaşmanın və mədəni əməkdaşlığın gücləndirilməsi üçün mühüm beynəlxalq platformaya çevrilib.
Kulis.az APA-ya istinadən xəbər verir ki, bunu Bakıda Beynəlxalq təşkilatların 3-cü yüksək səviyyəli görüşü və Bakı Prosesi çərçivəsində nazirlərin 6-cı görüşünün xüsusi birgə sessiyasında Qırğız Respublikasının mədəniyyət nazirinin müavini Soyuzbek Nadırbekov deyib.
O bildirib ki, Azərbaycanla Qırğızıstan arasında qardaşlıq münasibətləri dövlət başçıları İlham Əliyev və Sadır Japarovun siyasi iradəsi və şəxsi iştirakı sayəsində inkişaf edir.
Nazir müavini Azərbaycanla Qırğızıstan arasında mədəni və humanitar əlaqələrin möhkəmlənməsinə töhfə verən təşəbbüslərə diqqət çəkib. O, Azərbaycanın Ağdam rayonunda Ayköl Manas məktəbinin tikilməsini, eləcə də Bişkekdə Heydər Əliyev və Nizami Gəncəvi adına məktəblərin, Qırğızıstan-Azərbaycan Dostluq Parkının açılmasını bu əməkdaşlığın nümunələri kimi göstərib.
O vurğulayıb ki, mədəniyyətlərarası dialoq yalnız müzakirələrlə məhdudlaşmamalı, konkret birgə layihələrlə möhkəmləndirilməlidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər